Nota de prensa:
UN ALCALDE CON DEDICACIÓN EXCLUSIVA PARA VIAXAR
En Burela imos ter o “privilexio” de ter un Alcalde con dedicación exclusiva de 47.000 € ao ano para viaxar.
Esta é a conclusión á que chegamos despois do Pleno celebrado o pasado martes e despois de escoitar as explicacións do Alcalde, o sr. Barcia, sobre as dedicacións exclusivas que se fixaron no Pleno.
Asistimos neste Pleno á primeira mostra de como vai ser o funcionamento do novo grupo de goberno do PP. E este funcionamento artéllase da seguinte maneira:
por un lado o Alcalde, que vai cobrar 47.000 € ao ano por ser só iso, Alcalde, non vai ter ningunha área de goberno baixo a súa responsabilidade. Esta mesma cantidade xa a cobraba o sr. Barcia no ano 2005 cando chegou a Alcalde de repente ao renunciar o anterior rexedor, pero cobraba iso por ser Alcalde e tamén responsable de certas áreas do goberno municipal. Pero agora non, agora, preguntado no Pleno polos motivos da súa dedicación exclusiva de 47.000 € ao ano, respondeu que se ía dedicar a xestionar e viaxar ás distintas institucións (previo cobro, por suposto, das correspondentes dietas) para traer cousas para Burela. Pois iso, imos pagarlle 47.000 € ao ano ao Alcalde por viaxar. Xa faremos ao final do ano balance desas viaxes do Alcalde para saber os resultados da súa dedicación “exclusiva”.
e por outro lado, teremos dous concelleiros máis con dedicación exclusiva que van cobrar case 40.000 € ao ano entre os dous.
Moito se lle enchía a boca ao sr. Barcia no Pleno dicindo que con este organigrama baixaran nun 7% o groso dos salarios con estas tres dedicacións exclusivas. O que non dixo o Alcalde é que, coas cotizacións á Seguridade Social destas dedicacións exclusivas (que van ser bastante superiores ás da anterior corporación), vaise o comido polo servido e o aforro non vai ser tal e como el o vendeu.
E falando de aforro, este foi tamén o argumento esgrimido para pasar dos plenos mensuais, como tiñamos na anterior corporación, a plenos cada dous meses como imos ter agora. Pero, o sr. Barcia non é a persoa máis indicada para falar de aforro neste tema porque el é o “Alcalde dos Plenos extraordinarios” (entre os anos 2005 e 2007, na súa anterior época como Alcalde, fixo 11 plenos extraordinarios en dous anos) e moito nos tememos que tamén neste tema o aforro tan cacarexado non vai ser tal.
Pero, ben, xa veremos como van discorrendo as cousas, xa veremos se aforramos tantos cartos coma di o Alcalde nos soldos dos concelleiros, xa veremos se a súa xestión como Alcalde dá os froitos agardados para os 47.000 € que vai cobrar. E xa veremos se os “recortes” reais e efectivos (non estes dos soldos que non van ser tales) si van ser noutros servizos e prestacións sociais que afectan aos veciños e veciñas de Burela.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
