Nota de prensa
CERVO PRESENTA O DISPOSITIVO DE SOCORRISMO EN PRAIAS E PISCINAS MUNICIPAIS QUE ESTARÁ EN FUNCIONAMENTO NOS MESES DE VERÁN
Cervo, 24 de xuño de 2011.- O alcalde de Cervo, Alfonso Villares, e os concelleiros Begoña Alonso (Medio Ambiente e Turismo) e José Ramón Soto (Protección Civil e Seguridade Cidadá) presentaron no día de hoxe o dispositivo de salvamento e socorrismo en praias e zonas de baño que ten despregado o Concello cervense dende o pasado fin de semana.
Este ano o Concello de Cervo disporá nestes meses de verán dun total de 17 socorristas. “O equipo fórmano dez persoas que se incorporaron hai uns días a traballar durante esta tempada e aos que hai que engadir tamén aos os sete socorristas que veñen desempeñando a súa labor na piscina municipal ao longo do ano” indicou o concelleiro de Protección Civil e Deportes, José Ramón Soto. Soto sinalou que os sete socorristas da piscina integraranse ao servizo de vixilancia de praias no vindeiro mes de xullo, cando a devandita infraestrutura deportiva peche para facer a súa parada anual de mantemento.
O xefe de Protección Civil, Mario Antuña, (de cuxo servizo depende a coordinación do dispositivo) sinalou que os esforzos centraranse en atender os principais areais do municipio e as piscinas do Club Deportivo de Río Cobo. Para iso, contará con diverso material como lanchas salvavidas, torres de vixilancia, material de intervención e de primeiros auxilios. Así mesmo, as praias máis concorridas do termo municipal (O Torno e Cubelas) contarán tamén con desfibriladores portátiles.
Pola súa parte, o alcalde, Alfonso Villares, destacou o esforzo do Concello en reforzar o número de efectivos “para garantir a seguridade de todas as persoas que anualmente fan uso das nosas praias e das nosas instalacións durante estes meses de verán”. A modo de exemplo, Villares lembrou que no ano 2008 o Concello contara con 8 socorristas, mentres que o pasado ano foron 10, “e agora, reforzámonos con 7 persoas máis, co único obxectivo de prestar un servizo de calidade e de garantía aos nosos bañistas” recalcou.
Os tres representantes municipais e o xefe de Protección Civil cervense lembraron por último que Cervo foi pioneiro na activación elaboración do seu propio Plan de Actuación Municipal de Salvamento en praias, cuxa redacción data do ano 2006.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
