-X, manifestación en Muros: ecoloxistas e sector pesqueiro artesanal en defensa das nosas rías PDF Imprimir Correo-e
Envia 5-X, manifestación en Muros: ecoloxistas e sector pesqueiro artesanal en defensa das nosas rías a FaceBookEnvia 5-X, manifestación en Muros: ecoloxistas e sector pesqueiro artesanal en defensa das nosas rías a Twitter
5 de xuño de 2011. Manifesto COAS NOSAS RÍAS, NON SE XOGA!
A instalación de gaiolas para o cultivo do salmón na ría de Muros e Noia representa outro episodio na confrontación entre dous modelos de obtención de alimentos. Por unha banda, o da pesca de baixura, o marisqueo e os cultivos mariños que aproveita os recursos propios e depende do bo estado das rías. Por outra, o modelo da acuicultura industrial intensiva que fabrica peixes en cadea e deixa graves danos nos ecosistemas acuáticos.
A pesca artesanal e o marisqueo baséanse en aproveitar a grande riqueza biolóxica das rías; xeran máis emprego e deixan máis valor engadido nas comunidades locais. A piscicultura industrial, tanto na terra como no mar, busca xerar grandes cantidades de peixe barato mediante a concentración, a alimentación forzada e o uso masivo de antibióticos e produtos químicos, cunha ridícula creación de emprego. Tampouco contribúe a evitar a sobrepesca porque os pensos de salmóns e rodaballos fanse con fariña de peixes esquilmados polas frotas industriais de todos os mares do mundo.
As organizacións asinantes estámonos mobilizando a prol do desenvolvemento sustentábel da pesca e da acuicultura, en defensa das nosas rías e dos que nelas traballan. Queremos lanzar á sociedade unha mensaxe de alarma pero tamén de responsabilidade sobre o estado do mar e das rías. De alarma porque os ecosistemas mariños están seriamente ameazados pola irresponsabilidade e a cobiza de quen só ve neles unha fonte ilimitada de recursos para explotar ou unha cañeira na que botar todo tipo de refugallos, sen reparar nas consecuencias.
A pesca artesanal, tradicionalmente sustentábel e respectuosa cos recursos do mar, esmorece, mentres se impoñen políticas pesqueiras orientadas á grande industria extractiva que especula co dereito á alimentación dos pobos. Aos mariñeiros só se lles permite escoller entre o desmantelamento das estruturas pesqueiras artesanais para, como propón a UE, poñerse a pescar plásticos ou os empregos en precario da piscicultura industrial, que lles rouba a capacidade de produciren alimentos e contamina o seu medio de vida.
Esiximos da administración a retirada dos proxectos de acuicultura intensiva do salmón na ría de Muros e Noia. Demandamos o apoio decidido dun modelo extractivo sustentábel, baseado na pesca artesanal, no marisqueo e nos cultivos mariños de bivalvos, e centrado na conservación dos ecosistemas.
Denunciamos o recente acordo do Consello da Xunta de declarar de interese público prioritario a acuicultura en Galicia, sen facer distinción entre os cultivos mariños sostíbeis de bivalvos e a piscicultura intensiva de peixes carnívoros. Este acordo fraudulento vai permitir a instalación nos terreos protexidos pola Rede Natura de macropiscifactorías de peixe, e vai facilitar os trámites lexislativos, relaxando os criterios ambientais e dificultando a participación cidadá na súa avaliación. En contra do que poida parecer, esta declaración de interese público da acuicultura, supón un desprezo á acuicultura sostíbel de bivalvos, que sufrirá a contaminación dos residuos fecais, antibióticos, químicos, etc. e que terá que competir polos espazos no mar coas gaiolas de peixes carnívoros, e en terra con grandes instalacións industriais.
Reclamamos a elaboración urxente dun plano estratéxico contra a contaminación mariña con obxectivos concretos, temporalizados e orzamentados que procure a eliminación dos focos de contaminación puntual e difusa no litoral así como a minimización do risco por verteduras accidentais e mareas negras. É preciso tamén garantir a responsabilidade civil ilimitada para as actividades industriais que potencialmente poidan causar danos ao medio mariño.
Reivindicamos a ampliación das áreas mariñas protexidas, refuxio e sementeira de biodiversidade, que permitan manter unha actividade extractiva sustentábel e garantir o futuro das comunidades que viven do mar. O tesouro das nosas rías, fonte de vida, sustento e identidade do noso país ten que preservarse para as xeracións vindeiras. É a nosa responsabilidade e o noso compromiso.
COAS NOSAS RÍAS NON SE XOGA
CONSERVAR AS RÍAS E O LITORAL, GARANTÍA DE FUTURO
Muros, 5 xuño de 2011
Coordenadora en defensa da Ría de Muros e Noia, integrada por máis de 40 organizacións
Co apioo de: FEG (Federación Ecoloxista Galega, con18 organizacións), as Plataformas de Quilmas, Camelle e Arou, a confraría de Camelle, a asociación Monte Pindo Parque Natural, a Plataforma pola defensa do Xallas, o Comité Cidadán de Emenxencia da ría de Ferrol, a PDRA (Plataforma en Defensa da Ría de Arousa), Ortigueira Sostible, a APDR (Asociación pola Defensa da Ría de Pontevedra), a CEMMA (Coordenadora para o Estudo dos Mamíferos Mariños), Bouzas Móvete, Salva la Selva e Galiza Non se Vende, integrada por 60 colectivos.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
