Nota de prensa
O VINDEIRO VENRES 1 DE XULLO COMEZARÁ A FUNCIONAR DE NOVO O BUS PRAIA QUE NESTE VERÁN CONTARÁ CUNHA FRECUENCIA MÁIS, SEGUNDO ANUNCIABA HOXE ANA MARTÍNEZ. HABERÁ TRES SAÍDAS DESDE RIBADEO CARA AS PRAIAS E VICEVERSA.
Ribadeo, 27 de xuño de 2011. O vindeiro venres 1 de xullo comeza de novo a funcionar o bus praia, unha inicativa que o Concello e a empresa Eocar puxeron en marcha o verán pasado e que tivo unha boa acollida por parte de ribadenses e visitantes.
A concelleira deTurismo, Ana Martínez, anunciaba esta mañá que “o vindeiro venres 1 de xullo comezará de novo o servizo de bus praia. Trátase dunha iniciativa privada que ten autorización económica e que conta co apoio do Concello”.
A edil nacionalista lembrou que “dita iniciativa que xurdiu o verán pasado e que foi moi positiva este ano contará cunha frecuencia máis e así terá saídas desde Ribadeo ás 11 da mañá, ás 15:15 e ás 17:45 desde a oficina de turismo pasando pola rúa Virxe do Camiño e estación de autobuses. E con volta ás 13:30, ás 17:00 e ás 20:00 da tarde desde a praia das Catedrais, Esteiro e Castros-Illas de luns a domingo durante os meses de xullo e agosto”.
Os prezos por viaxe de ida e volta mantéñense igual que o ano pasado e serán de 2,5 euros para adultos e de 1,5 euros para nenos menores de 8 anos. E tamén haberá bonos desconto.
Segundo Ana Martínez, “o bus praia permite que a xente que non dispón de medios de transporte propios poida achegarse ás praias ou incluso a xente que prefire deixar o coche na casa e mesmo os visitantes que se achegan a Ribadeo sen vehículo propio. Deste xeito todos poderán disfrutar das nosas praias e aproveitar para visitar As Catedrais”.
Os interesados en obter máis información poden atopala na oficina de turismo, nos hoteis e tamén nos carteis informativos que se colocarán por diversos puntos da vila.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
