Nota de prensa
A TUBERÍA XERAL DO ABASTECEMENTO DE AUGA A RIBADEO SUFRIU UNHA ROTURA NA RECTA DE PORTO, COMO CONSECUENCIA DO MAL ESTADO NO QUE SE ATOPA, SEGUNDO VEN DE EXPLICAR O ALCALDE.
Ribadeo, 20 de xuño de 2011. A tubería xeral do abastecemento de auga a Ribadeo sufriu unha rotura na recta de Porto a última hora desta tarde, como consecuencia do mal estado no que se atopa debido á súa antigüidade, segundo explicou o alcalde, Fernando Suárez.
O rexedor, que se desprazou ata o lugar da avaría, lembrou que “hai moito tempo que veño denunciando diante do conselleiro de Medio Ambiente actual e do anterior o estado no que se atopa esta rede que é extremadamente vella. A acometida principal de Ribadeo ven desde o río Eo en Vilarbetote, Trabada, facendo un percorrido duns 25 kilómetros. Hai meses que xa tivemos problemas destas características e en varias ocasións me dirixín de xeito formal, verbal e tamén por escrito á Xunta de Galicia para denunciar esta situación, sen que ata o momento obtivésemos ningún tipo de resposta pola súa parte. O goberno galego non pode deixar descuidado a Ribadeo desta maneira”.
Suárez Barcia asegurou que “afortunadamente hoxe a rotura producíuse nun lugar de acceso fácil, pero si fose na zona de Vilaodriz, por exemplo, poderíamos tardar moito tempo en atopar o lugar exacto e Ribadeo podería quedar desabastecida en cuestión de horas”. O alcalde confirmou que “varios operarios da empresa subministradora de auga, Aquagest, tentarán subsanar ao longo das vindeiras horas esta nova avaría que se produciu na tubería xeral do abastecemento de auga a Ribadeo. O obxectivo é restablecer o servizo canto antes”.
O rexedor dixo que “hai núcleos de poboación como Vilaousende ou Porto, que poderían sufrir deficiencias no subministro de auga ao longo desta tarde, e mañá tamén é posible que se produzan problemas de presión en varios puntos do concello ata que se normalice todo o circuito”.
Fernando Suárez reiterou que “temos unha tubería xeral moi antiga que é preciso cambiar canto antes” e subliñou que “o subministro a Ribadeo depende nun 80% desta tubería”. O alcalde confía que “desde a Xunta sexan sensibles coas necesidades apremiantes que ten o noso concello”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
