Nota de prensa:
O Concello de Lourenzá informa que está aberto o prazo para apuntarse nas actividades que, para os máis novos do Concello, se van desenvolver durante as vindeiras vacacións de verán.
Todos aqueles interesados en participar poden informarse e anotarse dende o luns, 20 de xuño ata o mércores, 30 de xuño na Biblioteca Municipal (OMIX de Lourenzá), en horario de 17:30 a 20 horas.
Na edición deste ano, programouse un Campamento de Verán (tamén denominado “Campamento urbán”) destinado aos nenos de 5 a 13 anos. O mencionado campamento nace coa idea de ofertar as actividades para os máis pequenos, á vez que trata de fomentar a conciliación da vida familiar e laboral das familias durante o período vacacional, xa que as actividades desenvolveranse dende o luns, 4 de xullo ata o luns, 25 de agosto. Serán en horario de mañá de 10:00 a 14:00 horas, e de luns a venres (agás os festivos: 25 de xullo e 15 de agosto), co cal se garante a atención aos rapaces durante a xornada de mañá.
As actividades propostas terán como lugar de referencia a Casa da Xuventude laurentina; aínda que se fará uso das distintas dependencias do Concello para o desenrolo do abano de propostas: Pabillón deportivo, área recreativa da Cazolga, Aula da Natureza, Salón de Actos, Biblioteca, espazos ao aire libre… E dentro da variedade de actividades do campamento, podemos poñer como exemplo, entre outras, as seguintes: xogos de pistas e rastrexo, xogos populares (elaboración dos xogos e xoguetes, así como demostracións cos mesmos), torneos de xogos de mesa, obradoiros con materiais de refugallo e da natureza, actividades etnográficas (como será a visita ao recén recuperado “Muíño da Pereira” en Santo Tomé, onde está previsto poder velo en funcionamento e unha posterior actividade de amasado de pan coa fariña obtida no muíño), dinámicas de presentación e iniciación ao teatro, proxeccións de cine e documentais con sesións de vídeo-fórum posteriores…
Por outra banda, tamén está previsto nos próximos días facer pública a data e o prazo de anotarse para a viaxe ao Parque Acuático (AQUAPARK de Cerceda) que, como vén sendo habitual nos últimos anos, vimos organizando por estas datas estivais.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
