Nota de prensa:
O TÉCNICO INTERNACIONAL SITO RIVERA PARTICIPARÁ NO V CAMPUS MIXTO BURELA FS (13-16 XULLO)
O seleccionador nacional de Romanía, Tomás Rivera Amoros, máis coñecido como Sito Rivera, xa confirmou a súa participación na quinta edición do Campus Mixto Internacional de Fútbol Sala Base Burela FS. A cita reunirá os mellores profesionais nacionais e internacionais do fútbol sala na vila mariñá entre o 13 e o 16 de xullo, xunto a xogadoras, xogadores e corpos técnicos da entidade burelista.
O técnico catalán leva vinculado ao combinado romanés dúas tempadas, nas que tamén se proclamou campión de Romanía co Futsal Deva (2009-10) e o Targu Mures (2010-11). Con máis de tres décadas dedicadas a este deporte, Sito Rivera (Mataró, 1956) fíxose un sitio no panorama español primeiro co ascenso á División de Prata do FS Vilassar de Mar (1995-96) e máis tarde poñéndose á fronte do Miro Martorell (2000-01) e Polaris World Cartagena (2004-06), en Honra. O técnico deu o salto internacional en 2007-08 ao asumir a dirección do xaponés Bardral Urayasu, co que se proclamou campión da Puma Cup e subcampión da F. League. Dende entón tamén realizou pequenas incursións no Calcio A-5, en Italia, dirixindo o Napoli (2008-09) e o Luparense (2009-10).
Grande interese
A quinta edición do campus laranxa está espertando un grande interese; ademais de numerosos nenos/as da Mariña, o club xa recibiu inscricións de doutros puntos do territorio galego, como Sarria ou Ourense, e da comunidade asturiana.
Ata o mércores 7 de xullo todos os/as rapaces/as de entre 7 e 14 anos interesados/as poderán reservar a súa praza. A folla de matrícula está dispoñible nas oficinas do club (avda. Arcadio Pardiñas, número 97) ou a través de www.burelafs.org/campus. O prezo da matrícula para o alumnado da ED EON Burela FS e dos clubs vinculados á entidade laranza por convenios será de 40 euros e para o resto de 55. Aqueles/as alumnos/as que o desexen tamén poden escoller entre un réxime de media pensión (35 euros máis) e un de pensión completa (80 euros máis).
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
