NOTA DE PRENSA
CONCURSO DE CARTEIS FESTA DA MERLUZA CELEIRO
OBXECTIVO XERAL:
Facer partícipes da Festa da Merluza do Pincho de Celeiro toda a poboación de Celeiro, do Concello de Viveiro, e por extensión de toda Galicia.
Elaborar o cartel de promoción e publicidade da XIV edición da Festa da Merluza de Celeiro.
REQUISITOS DOS PARTICIPANTES:
Poderán participar no concurso todas aquelas persoas que o desexen sen límite de idade.
CONTIDO DA ACTIVIDADE:
Os participantes deberán realizar un cartel relacionado co pobo de Celeiro e coa festa da merluza en particular.
O cartel deberá levar como mínimo o seguinte contido:
XIV FESTA DA MERLUZA
SÁBADO 16 DE XULLO DE 2011. 21.00 HORAS
LONXA VELLA-PORTO DE CELEIRO
ORGANIZA: ACD PENALBA-COLECTIVO CHILINDRÍN (LOGOS)
PATROCINA: PUERTO DE CELEIRO S.A. (LOGO)
COLABORAN: CONCELLO DE VIVEIRO (LOGO)
DEPUTACIÓN DE LUGO (LOGO)
COFRADÍA DE PESCADORES DE CELEIRO (LOGO)
PRAZO:
Os interesados deberán presentar os proxectos antes do día 22-06-2011 inclusive.
O gañador comunicarase o día 24-06-2011.
O proxecto poderase remitir á seguinte dirección:
colectivochilindrin@gmail.com
Xunto co cartel que se presente será necesario que o participante cubra a instancia que consta como anexo 1 destas bases en duplicado exemplar, sendo unha das copias para el mesmo, e presente a documentación que se lle requiere no citado anexo.
VALORACIÓN E XURADO:
O xurado estará formado por:
Presidente da ACD Penalba.
Vicepresidente da ACD Penalba.
Concelleira/o de Cultura do Concello de Viveiro.
Actúa como secretario, con voz e sen voto, o Secretario da ACD Penalba.
Valorarase:
Orixinalidade.
Estilo.
Técnica.
Expresividade artística.
A relación coa festa a celebrar.
Todos aqueles datos que o xurado considere oportunos.
PREMIO:
Premio único para o cartel elexido: 200,00 €
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
