Soldos dos políticos
Nestes días que están aprobando, nas distintas corporacións municipais, os
soldos para alcaldes e concelleiros, non me resisto a escribir unhas liñas,
porque senón sinto que se me revolve moito o estómago.
Pobos con menos de 3.000 habitantes, Valadouro, Lourenzá, Trabada, estanlle
aprobando soldos de uns 2500 euros de media, coa que está caendo da crise,
paréceme un verdadeiro insulto. Nunha comarca con moitos parados, bastante
deles por culpa deses mesmos alcaldes e ou dos seus partidos, que impulsaron
para adiante un urbanismo descontrolado, agora que pisan moqueta e sentan
nas cadeiras da alcaldía, os primeiros acordos que promoven, son os de que
lles aproben uns bos emolumentos. Primeiro eu e logo o interese xeral, non
si?
A gran pregunta que moitos nos facemos, é que canto cobraban os sres.
Alcaldes no anterior traballo? Ou volvendo a pregunta polo revés, canto
cobra agora Pepito Rivera en Alcoa, despois de deixar a alcaldía de Foz.
Repito, considero unha auténtica burla aos cidadáns, poñerse estes soldos.
E aínda se preguntan algúns porque está indo en aumento a protesta dos
indignados. E mais que tería que haber, pois se ollamos a nivel nacional,
creo que estarán de acordo comigo, na burrada que supón que o sr. Bono cobre
12000 euros/mes, iso si despois de baixalo algo, ou a sra. Cospedal estaba
percibindo uns 22000 euros/mes. Todo isto aliñado moitas veces coa
ocupación de dous ou tres cargos, que sempre hai excepcións coas
incompatibilidades para estas xentes, ou que aos deputados e senadores non
lles desconten do soldo para o IRPF.¡ Pero en que país vivimos !
Desgraciadamente a media dos soldos en España está nuns 1000 euros, iso
para os que teñen traballo. Din os expertos que un 70 % dos asalariados non
pasa de ser mileurista. Polo tanto, creo que hai que tomar medidas drásticas
de baixar por lei eses soldos, que paguen impostos segundo o que cobran, sen
excepcións, incluído por suposto os banqueiros e grandes capitais. Rematar,
dunha vez cos paraísos fiscais, e que non fagan pagar a crise aos de abaixo,
coma sempre.
Brais-Foz
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
