Nota de prensa:
RAQUEL ARIAS AGRADECEU O NOMEAMENTO COMO MONTEIRA MAIOR DA RAPA DAS BESTAS DO CURRO DE CANDAOSO, UNHA TRADICIÓN CON 40 ANOS DE HISTORIA
A delegada territorial gabou a xestión conxunta do monte veciñal que realizan, mediante convenio, os comuneiros e a Consellería de Medio Rural
Viveiro, 3 de xullo de 2011.- A delegada territorial da Xunta, Raquel Arias, recolleu hoxe o título que a acredita como Monteira Maior da Rapa das Bestas do Curro de Candaoso (Viveiro), sendo así a segunda muller distinguida con este nomeamento nos 40 anos de historia desta tradición –a primeira foi a exconselleira Manuela López Besteiro-.
A delegada compartiu a festa, declarada de interese turístico nacional, cos numerosos veciños e visitantes que se achegaron ao monte de Buio a disfrutar desta antiga operación de corta de colas e crinas, así como de doma de cabalos en estado salvaxe que se crían nesta serra.
A delegada aplaudiu o labor dos membros da comunidade de montes, que manteñen viva a Rapa das Bestas ao tempo que continúan unha actividade económica tradicional. Así mesmo, Arias reivindicou o papel da muller nesta celebración popular, destacando que “se só fose cuestión de forza, quizais sería distinto, pero na rapa e en todo o que comporta é fundamental a intelixencia, por iso temos moito que dicir. Nesta difícil tarefa do medio rural tamén se presentan individualidades femininas destacadas”.
O monte veciñal en man común de Buio pertence aos veciños de San Andrés de Boimente e teñen concertada parte da xestión do monte coa Consellería de Medio Rural, que desenvolve un sistema de xestión forestal sostible para asegurar a súa funcionalidade económica, social e ambiental.
Raquel Arias gabou este sistema de xestión que implica aos comuneiros e á Administración, defendendo que “mantén a estrutura social, mellora as economías locais e preserva o ecosistema”.
O aproveitamento máis habitual do monte é o pastoreo de gando bovino -nas máis de 300 hectáreas dedicadas a pasteiros- e equino, estendéndose este por practicamente toda a superficie (1.002 hectáreas). A comunidade de montes, que preside Antonio Yáñez Rúa, conta cun censo de équidos que supera amplamente os 200 animais.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
