Nota de prensa:
ALFONSO VILLARES CUALIFICA DE “MOI ENRIQUECEDORA” A LABOR DESENVOLVIDA NOS ÚLTIMOS 12 MESES POLOS ALUMNOS DO OBRADOIRO “TERRAS DE AZUL COBALTO”
Este mediodía tivo lugar a clausura oficial desta acción laboral-formativa posta en marcha co financiamento da Consellería de Traballo e Benestar
Ao acto, celebrado no centro social da Senra, asistiron o director xeral de Promoción do Emeprego, Andrés Hermida e a delegada territorial da Xunta de Galicia en Lugo, Raquel Arias.
Cervo, 6 de xullo de 2011.- O alcalde de Cervo, Alfonso Villares, cualificou de “moi enriquecedora” a labor do Obradoiro de Emprego “Terras de Azul Cobalto” durante o acto da clausura oficial desta iniciativa laboral e formativa posta en marcha hai un ano pola Consellería de Emprego e Asuntos sociais da Xunta de Galicia.
A este acto de clausura e entrega de diplomas asistiron, ademais do alcalde, a delegada territorial da Xunta de Galicia en Lugo, Raquel Arias, e o director xeral de Promoción de Emprego da Xunta, Andrés Hermida Trastoy.
Na súa intervención, o rexedor cervense salientou a labor feita ao longo destes doce meses polo equipo de docentes e polos 27 alumnos distribuídos nos tres módulos dos que se compoñía este Obradoiro e agradeceu á consellería de Traballo e Benestar a súa implicación no fomento da formación para os traballadores desempregados. “Nos tempos nos que estamos é importante prover dunha formación de calidade ás persoas do noso concello que se atopan na difícil situación de ter que competir nun mercado laboral cada vez máis competitivo e onde a oferta laboral é moi limitada. Por iso, esta aposta feita pola Xunta de Galicia en Cervo abre as expectativas de futuro para as persoas que participaron neste Obradoiro”. Ao fío disto indicou tamén que ademais dos participantes, o propio municipio veuse tamén beneficiado con este Obradoiro “porque grazas ao traballo desenvolvido nel podemos dispoñer de novas infraestruturas de uso público como é este centro social da Senra, onde hoxe nos atopamos para facer entrega destes diplomas” indicou.
Por último, Villares sinalou que esta boa relación entre o Concello e Consellería de Traballo e Benestar se traduce noutros investimentos como a construción da futura residencia-centro de día que se está a facer en San Ciprián e adiantou que o grupo de Goberno local continúa a traballar na mesma liña “para conseguir traer máis accións formativas, de fomento do emprego e de políticas de benestar para todos os nosos veciños”.
A Consellería de Traballo investiu 651.741 euros neste proxecto do fomento da formación laboral. A súa oferta formativa compúxose de tres módulos con nove alumnos cada un (Albanelería, Medio Ambiente /Xardinería e Atención Socio-Sanitaria). O obxectivo fundamental deste obradoiro foi preparar a estas persoas para que poidan incorporarse de forma estable ao mercado laboral una vez rematada a súa formación.
NOTA DE PRENSA DA CONSELLERÍA
O obradoiro de emprego de Cervo formou e proporcionou traballo a 27 persoas cun investimento de mais de 570.000 euros
O director xeral de Promoción do Emprego, Andrés Hermida, acompañado pola delegada territorial da Xunta en Lugo, Raquel Arias, clausurou hoxe o obradoiro da localidade lucense
Hermida subliñou que estas persoas non só saíron da situación de desemprego, senón que conseguiron mellorar a súa cualificación e empregabilidade de acordo ás necesidades do mercado laboral actual
O titular da área autonómica informou de que o orzamento que destina a Xunta este ano á mellora do emprego en Cervo é do triplo que no 2009: 654.000 euros
Cervo (Lugo), 6 de xullo de 2011.- O obradoiro de emprego “Terras de Azul Cobalto” de Cervo (Lugo) formou e proporcionou traballo a 27 persoas ao longo dun ano, cun investimento de máis de 570.000 euros. En concreto, nove participantes especializáronse albanelería; nove en mantemento de xardíns; e outros nove en atención sociosanitaria.
O director xeral de Promoción do Emprego, Andrés Hermida, acompañado pola delegada territorial da Xunta en Lugo, Raquel Arias, clausurou hoxe este obradoiro e subliñou que estas persoas non só saíron da situación de desemprego, senón que conseguiron mellorar a súa cualificación e empregabilidade de acordo ás necesidades do mercado laboral actual. Ademais, “os resultados do seu labor reverteron, tamén, na mellora de diversas zonas e equipamentos do municipio de Cervo: desde os parques e áreas recreativas ata a residencia de maiores de Burela”.
Hermida, que agradeceu ao Concello a súa achega para facer posible o obradoiro, indicou que os programas mixtos de formación e emprego constitúen “unha excelente oportunidade de colaboración institucional para acadar unha dobre vantaxe”: a de mellorar a empregabilidade dos traballadores e traballadoras, atendendo ás potencialidades e oportunidades de cada territorio; e a de realizar obras e servizos de interese xeral, que reverten en melloras palpables para todos os veciños dun municipio.
A titular da área autonómica informou de que o orzamento que destina a Xunta este ano á mellora do emprego en Cervo é do triplo que no 2009: un total de 654.000 euros neste exercicio, porque no goberno galego “somos conscientes de que estes son tempos complexos, que requiren dunha acción coordinada, e que teñen como principal urxencia a recuperación do emprego”.
Por iso, e de acordo co diálogo social, “estamos a emprender a reforma da formación para o emprego, para facela máis eficaz e vinculala aos certificados de profesionalidade” e, ao mesmo tempo, “estamos a apoiar ás nosas empresas, para que teñan acceso ao crédito e para que poidan realizar investimentos que melloren a súa competitividade” porque, ao seu xuízo, “reforzar ás empresas é garantir a pervivencia dos empregos”.
Os obradoiros están dirixidos a persoas desempregadas de 25 anos ou máis, que estean inscritas no Servizo Público de Emprego de Galicia. Na selección de persoal valorouse, de xeito preferente, ás persoas desempregadas que tiveran esgotadas as súas prestacións.
A formación que reciben é de carácter fundamentalmente práctico, mediante a realización de obras ou da prestación de servizos de interese xeral ou social, que posteriormente facilitarán a integración no mercado laboral dos participantes. De feito, unha porcentaxe próxima ao 80 por cento atopa traballo nun curto prazo de tempo, na mesma especialidade na que se formaron.
Con todo, hai que salientar que, ademais da propia formación profesional, durante toda a duración do proxecto proporcionarase aos alumnos traballadores outros contidos formativos, como pode ser a orientación e asesoramento profesional, empresarial e laboral.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
