Nota de prensa
Marful desembarca na Mariña co seu “Manual de Sedución”
O grupo está en plena xira de presentación do seu novo disco en Galiza
Presentación no Cine-Teatro de Ribadeo, o sábado 9 de xullo ás 22h
Tras percorrer boa parte de Galiza (A Coruña, Santiago de Compostela, Lugo, Carballo, Ribadavia) e Portugal (Casa da Música de Porto) chegan á Mariña, terra natal da súa letrista, compositora e cantante, Ugia Pedreira (Vilaronte, Foz).
Marful presentou o “Manual de Sedución” o pasado outono e esgotaron a primeira edición ao mes de se presentar. Había espectación logo do primeiro disco da banda e logo de catro anos de espera por este segundo traballo. Por iso este Manual de sedución, cheo de preguntas e certezas, de portas entreabertas, cheo de cor e de ritmo, gustou tanto.
Logo duns meses de hivernación e ensaios, Marful arrincou a xira de verán de presentación en Galiza do disco. E, dentro dela, chegan este sábado a Ribadeo, terra que apoia a cultura galega e lla ofrece aos seus cidadáns para que a desfruten, como de seguro farán neste concerto. A Mariña, no repertorio de Marful, non é un lugar máis. É unha porta aberta a outros mundos. Na Mariña e nos seus salóns de baile, inspirárase xa o primeiro disco da banda. E nas súas praias, no ritmo do mar da Mariña, inspírase boa parte deste segundo (“Jota de Pedra Noiva”, “De Vigo vuelvo, a Lugo voy”).
Este sábado 9 ás 22h Marful presenta o seu ultimo disco, “Manual de Sedución” no Cine-Teatro de Ribadeo. E dende Lugo a banda viaxará a Viana do Castelo para fechar as actividades de celebración da Capital Cultural do Eixo Atlántico. Neste verán tamén se poderá escoitar Marful en Verín, Sada, Salvaterra, Salceda, Pontevedra, Narón…
Marful son UGIA PEDREIRA (voz), MARCOS TEIRA (guitarras), PEDRO PASCUAL (acordeón diatónico), e PABLO PASCUAL (clarinetes). A eles súmanse nesta xira Xacobe Martínez (contrabaixo) e LAR Legido (batería), de Sumrá.
Manual de Sedución foi gravado nos Estudios Savik Sound de Caritel (Pontevedra) e contou coa colaboración de Xacobe Martínez (contrabaixo), LAR Legido (bateria e percusións), David Herrington (trompeta, fliscorno), Diego Galaz (violino), Alejandro Vargas (piano), José Manuel Díaz (contrabaixo), Alfredo Rodríguez de Factoria Teatro (narración), Paulo Gacio (flauta traveseira), Quim Farinha (violín) e Germán Díaz (serra). O técnico de son foi José Trincado.
…combinaremos na linha do horizonte ou naquel mar que nom sae nas cartas, as coissas tam-che muito boas, o caso é ter tempo para amar, na trajetória silenzo quero-te mais / contradecimos o que ponhemos em juizo, reconhecemos este xeito de tar, com quatro doses compensas esta minha idiota ilusom porque conhezo a miséria animal…
“Jota para Frank Sinatra”. Marful
Podes escoitala en: http://www.goear.com/listen/c69e49e/jota-valseada-para-frank-sinatra-marful
Videoclip: http://www.youtube.com/watch?v=SCg72_3NyJA
Máis información: www.marful.info
http://clubedefansdemarful.blogspot.com/
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
