Nota de prensa:
MARIO COTO ABOGA POR UNHA RELACIÓN FLUIDA ENTRE OS SOCIOS E A DIRECTIVA DO CLUB NÁUTICO DE RIBADEO. O VINDEIRO 18 DE XULLO TERÁ LUGAR A SÚA ASAMBLEA XERAL ORDINARIA.
Ribadeo, 11 de xullo de 2011. O 18 de xullo ás 20:30 horas en primeira convocatoria e ás 21 horas en segunda terá lugar a Asamblea Xeral Ordinaria do Club Náutico de Ribadeo. O presidente, Mario Coto, asegura que a directiva está para atender as demandas dos socios e para facer as cousas con claridade e transparencia .
Coto comentou que “o vindeiro luns teremos a Asamblea Xeral Ordinaria, a nosa intención é facela cada vez antes, a ver si para o vindeiro ano incluso somos capaces de convocala en febreiro, porque agora xa hai moita xente, xa temos moito traballo doutro tipo. As cousas hai que facelas con calma, ben e telas ahí presentes para os socios co obxectivo de que as poidan palpar vivamente”.
O presidente do Club Náutico de Ribadeo dixo que en dita asamblea “trataránse as contas anuais de 2010, o peche de presupostos e os orzamentos de 2011, tamén se abodardán os proxectos que temos previsto realizar neste ano, algunhas obras vánse ver arrancar en breve, e o capítulo de rogos e preguntas que teñan os socios porque ao fin e ao cabo son eles os que mandan no Club. Nós estamos ahí para responder e para facer as cousas con claridade e transparencia”.
Mario Coto engadiu que “despois da asamblea marcharemos a Francia para a saída da Transgascogne 2011 e por iso decidimos facer a asamblea o 18 de xullo, non hai ningún capricho particular. Queremos que os socios nos manifesten as inquietudes que teñen, debe haber unha relación moi fluida entre os socios e a directiva da Club Náutico de Ribadeo, pode haber algunha persoa que estea disconforme co que estou a decir porque non todos imos estar de acordo co que din outros, pero cando algún socio do CNR veu e dixo algunha cousa automáticamente se adoptaron as medidas pertinentes. Ás veces non nos damos conta de todo o que pasa ao noso arredor e ven un socio e díceche mira que estás fallando aquí, e entón o que intentamos é solucionalo. Esta directiva está á disposición dos seus socios”.
A documentación relativa á Asamblea Xeral Ordinaria está desde o pasado venres nas oficinas do Club Náutico de Ribadeo “para que sexa consultada polos socios”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
