Nota de prensa:
Entra en funcionamento o campo de fútbol de herba artificial de Foz no que a Deputación investiu preto de 500.000 euros
– O Presidente inaugura oficialmente as novas instalacións que se inclúen dentro do macro plan de obra pública creado en 2010 para adiantarse á saída da crise e manter os postos de traballo existentes na provincia
– Esta actuación forma parte do paquete de obras, que suma 1,5 millóns de euros, e co que se dota de servizos básicos ós veciños e se deu traballo a preto de 90 persoas
– Gómez Besteiro anuncia que despois do verán se iniciarán as obras de mellora da recollida de augas pluviais da Avenida da Mariña, unha das rúas máis transitadas do núcleo urbano
O Presidente da Deputación, José Ramón Gómez Besteiro, acompañado do compañeiro de Corporación, José Ramón Val Alonso, do Alcalde de Foz, Javier Castiñeira, e dos representantes das escolas infantís e de veteranos do Clube Deportivo Foz, inaugurou este luns o novo campo de herba artificial de Malates que foi acondicionado polo organismo provincial co macro plan de obra pública creado en 2010 para adiantarse á saída da crise e manter os postos de traballo existentes na provincia. Deste xeito, a Deputación, a petición do Concello, atende unha forte demanda do sector do deporte e dos veciños en xeral de dispoñer dunhas instalacións axeitadas para a práctica futbolística, xa que o recinto actual presenta deficiencias que dificulta o seu uso. Neste caso, o investimento é de preto de 500.000 euros.
O Presidente e o Alcalde protagonizaron a anécdota da xornada. Ambos os dous mandatarios estrearon o campo tirando uns tiros á porteiría, intercambiándose os papeis de gardameta e dianteiro. Neste senso, Besteiro subliñou que “dito e feito. Comprometémonos a dotar a Foz dun campo de herba artificial en condicións e así o fixemos. Agora os rapaces deste Concello xa non terán que marcharse a outros municipios para xogar a fútbol. É dicir, Foz pasar de ter un campo de segunda a un de primeira”. Pola súa banda, Javier Castiñeira agradeceu publicamente a colaboración da Deputación “porque permite ampliar a oferta futbolística dun Concello con ampla traxectoria na práctica deste deporte”.
O campo de fútbol súmase ás outras 8 actuacións que o organismo provincial executa dentro de dito Plan. Trátase dun paquete de proxectos, que suma 1,5 millóns de euros, e co que a Deputación dota de servizos básicos ós veciños e se melloran equipamentos necesarios para o desenvolvemento do municipio. Na execución destas obras traballaron un total de 87 operarios, que se suman ós 33 contratados por medio do plan Lugo Emprega. Os sete proxectos restantes que ten previsto a Deputación en Foz están a maior parte rematados, agás a construción de tres illas para o soterramento de contedores de lixo, que está en vías de execución.
Así mesmo, xa están finalizadas a reforma da escola de Forxán, en San Martiño de Mondoñedo; o parque infantil na Rúa Congostra do Cura e adecuación do da Praza Conde de Fontao; a execución das arquetas de bombeo na Pontevella, en Fazouro; o acondicionamento de salas de exposición e cafetería no Centro de Interpretación da Mariña (Cenima); a instalación de spa na piscina municipal; o subministro de bombas para a impulsión de residuais nas parroquias de Fazouro e Cangas execución, así como o equipamento e infraestruturas de servizos básicos, e mellora na rede viaria municipal con dotación de aglomerado. O organismo provincial tamén custea con 33.948 euros a redacción do proxecto para a construción dunha residencia de maiores con 100 prazas e un centro de día incorporado.
Xestións efectivas de José Ramón Val
Malia que o campo de fútbol comezou a funcionar hoxe de xeito oficial, a Deputación fixo unha excepción coa asociación cultural-deportiva de Foz, posibilitando a celebración do Torneo de fútbol 7 da Mariña antes do remate final das obras. Neste senso, as xestións levadas a cabo polo Deputado provincial, José Ramón Val Alonso, foron decisivas para que os días 2 e 3 deste mes se desenvolvese a competición nas instalacións construídas pola Deputación. A celebración do evento achegou a este municipio máis de 400 persoas durante a pasada fin de semana.
Novas obras para Foz e outras a piques de rematar
O Presidente tamén anunciou que despois do verán iniciaranse as obras de mellora da recollida de augas pluviais dunha das rúas máis transitadas do núcleo urbano. Trátase da Avenida da Mariña, na que se investirán máis de 160.000 euros. Neste senso, o titular provincial explicou que “optamos por deixar pasar a época estival para non causar problemas circulatorios ós centos de visitantes que nestas datas se achegan a Foz”.
Estas actuacións súmanse a outras levadas a cabo polo organismo provincial neste municipio. É o caso da estrada que enlaza Reiriz con Espiñeira, que está a piques de rematar e na que se invisten 550.000 euros, financiados ó 100% polo organismo provincial. Ademais de verse na obriga de desbloquear a execución desta actuación –a anterior Deputación deixáraa adxudicada, pero sen expropiar os terreos- o actual equipo de goberno fixo un esforzo maior, ampliando as obras á totalidade da estrada, que ten unha lonxitude de 2,2 quilómetros. Neste caso, ademais da renovación do firme, o proxecto inclúe a construción de beirarrúas, alumeado público e servizos de telecomunicación, saneamento e abastecemento de auga.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
