Nota de prensa:
O BNG DE BARREIROS ASEGURA QUE CASE UN 70% DOS INGRESOS DO CONCELLO NO ANO 2010 FORON DESTINADOS A PERSOAL. NA COMISIÓN INFORMATIVA DE CONTAS APROBÓUSE UNHA CONTA XERAL QUE REFLICTE UN DÉFICIT DE 732.000 EUROS E UN REMANENTE DE TESOURERÍA TAMÉN NEGATIVO DOUTROS 745.000 EUROS.
Barreiros, 27 de xullo de 2011. O BNG asegura que case un 70% dos ingresos do Concello de Barreiros no ano 2010 foron destinados a persoal. Os datos contidos na conta anual de 2010 revelan que o Concello non só gasta máis do que ingresa e por iso obtén un resultado negativo, senón que agota os remanentes aos que se podería acudir para pagar débedas (o remanente de tesourería), sendo imposíble afrontar a débeda xerada.
A portavoz do BNG no Concello, Ana Ermida, explicou que “na comisión informativa de contas celebrada onte aprobouse, cos votos do Partido Popular, unha conta xeral que reflicte un déficit de -732.659,41 euros negativos e un remanente de tesourería de – 745.037,71 euros tamén en negativo. Segundo os datos aportados no documento presentado, no 2010 os gastos de persoal ascenderon a 1.822.651,20 euros. Nese mesmo ano, contouse cuns dereitos de cobro recoñecidos por un importe de 3.068.692,03 euros. Porén, só chegaron a facerse efectivos 2.657.467,37 euros. Con estes datos pode calcularse que os gastos de persoal supoñen un 68,58% dos ingresos reais da institución municipal”.
O que máis lles sorprende aos nacionalistas barreirenses “é o desinterese e a desidia por parte da alcaldía para rendabilizar tan importante gasto. O que non é de recibo é que se conteste desde a alcaldía, cando se lle pide un maior control da eficacia das persoas contratadas, que se esas persoas traballan máis, supoñen un incremento do gasto xa que, explicou, que se traballan máis consumen máis sacos de cemento, máis tubos, etc”. Desde o BNG consideran que “ese tipo de argumentacións son simplistas e non poden ser emitidas por un representante das e dos cidadáns, porque, ademais, supoñen unha falla de respecto para as e os barreirenses que están pagando impostos para a contratación de persoal sen que iso revirta en beneficio das e dos veciños”.
Ermida engade que “o Concello de Barreiros quere facerse pasar por unha ONG que dá traballo, sempre cun claro fin electoralista, sen preocuparse do beneficio que supoñan para a poboación en xeral. Baixo a argumentación de que parte dos postos de traballo son subvencionados e de que os tempos están moi mal, o alcalde xustifica unha política de contratación de persoal do todo vale feita á súa medida e á do Partido Popular”. Para o BNG “calquera gasto que sexa en beneficio das e dos veciños de Barreiros non debe considerarse tal, senón unha inversión en beneficio de todas e todos”.
A portavoz nacionalista engadiu que “por outra lado, o alcalde popular recaeu unha vez máis no xa gastado argumento da paralización das licencias para xustificar o desfase orzamentario existente”. Desde o BNG din que “xa está ben de utilizar a escusa da paralización das licencias para todo. Non é xustificable que no ano 2010 se fixeran mal as previsións, xa que cando se elaboraron os orzamentos a situación urbanística era a actual e as previsións que se fixeron non eran reais. O que pretende, unha vez máis, Alfonso Fuente é botar balóns fóra e non asumir a incapacidade do goberno municipal para levar adiante o goberno do Concello de Barreiros”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
