Nota de prensa
A Consellería do Mar fai realidade así un compromiso electoral dos populares galegos dirixido a compensar a situación de precariedade e deterioro na que se atopaba este servizo co goberno bipartito
O PP SALIENTA O SIGNIFICATIVO AVANCE QUE SUPÓN O REFORZO DA OPERATIVIDADE DOS MEDIOS MARÍTIMOS DOS GARDACOSTAS QUE TAMÉN TRABALLARÁN AS 24 HORAS DO DÍA OS 365 DÍAS DO ANO
• Os buques deste servizo autonómico disporán de persoal suficiente para atender con inmediatez calquera incidente que se produza no mar e colaborarán no ámbito da protección dos recursos e do medio ambiente mariño.
• Pouco despois de que accederan os populares á responsabilidade de goberno a Xunta tamén reforzou a tripulación dos helicópteros Pesca 1 e Pesca 2, garantindo a súa plena operatividade.
Santiago, 6 de xullo de 2011.- O voceiro do Mar do Grupo Parlamentario Popular, Jose Manuel Balseiro, salientou o significativo avance no ámbito da seguridade marítima e a boa acollida que acadou no sector pesqueiro a decisión de reforzar o persoal dos buques adscritos ao servizo de Gardacostas de Galicia, de tal xeito que se garanta a plena operatividade destes medios marítimos as 24 horas do día, os 365 días do ano, o que permitirá atender con inmediatez calquera incidente que poida producirse no mar.
Balseiro Orol indicou que esta boa nova supón facer realidade un compromiso electoral do Partido Popular, asumido diante dos profesionais do mundo da pesca e do marisqueo, e dirixido a compensar a situación de precariedade e deterioro na que se atopaba este servizo de emerxencias durante o goberno bipartito. Ademais lembrou que na pasada lexislatura esta mesma petición xa foi solicitada polo Grupo Parlamentario Popular a través dunha moción, pero daquela contou co voto en contra do PSOE e do BNG
REFORZO PREVIO DOS MEDIOS AÉREOS
O voceiro popular lembrou que ao reforzo da operatividade dos medios marítimos, decidido no Consello da Xunta que tivo lugar onte, cómpre engadir a decisión adoptada pouco despois de acceder o Partido Popular á responsabilidade de goberno en Galicia, cando reforzou a tripulación dos helicópteros de salvamento Pesca 1 e Pesca 2, garantindo tamén a súa operatividade ás 24 horas do día e os 365 días do ano.
Jose Manuel Balseiro salientou o esforzo que supón, nun contexto de enorme contracción orzamentaria, que a consellería que dirixe Rosa Quintana, decida priorizar o investimento de 2.406.539 euros para continuar na liña de mellora permanente deste servizo, o que amosa con claridade o compromiso permanente e crecente dun goberno, o de Galicia, e dun partido, o popular, cos profesionais do mundo da pesca e do marisqueo.
GARDACOSTAS DE GALICIA
O Servizo autonómico de Gardacostas non só ten por obxecto a participación nos operativos de salvamento e rescate, xunto a iso desenvolve tarefas de preservación do medio mariño e protección dos recursos e de control da contaminación, que tamén se verán reforzadas grazas á decisión adoptada no día de onte pola Xunta de Galicia.
O Goberno galego autoriza polo tanto a prórroga do contrato entre os Gardacostas de Galicia e a empresa Romolcanosa para a xestión destes medios marítimos. O contratista terá a súa disposición o remolcador de salvamento Sebastián De Ocampo, o buque de salvamento e apoio Irmáns García Nodal, o buque polivalente Valentín Paz Andrade e a patrulleira Paio Gómez Chariño. Ademais, cóntase co buque Ría de Vigo, contratado pola Xunta de Galicia e a Axencia Europea de Seguridade Marítima.
SAÚDOS, GABINETE DE COMUNICACIÓN DO GRUPO PARLAMENTARIO POPULAR DE GALICIA. Telfs. 981-55.15.19/20
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
O Deputado de Promoción Económica e Social, xunto ao Alcalde meirego e o músico berciano, presentaron no Pazo de San Marcos este concerto especial que acollerá a igrexa Monasterial de Santa María, o vindeiro 6 de agosto, ás 21:00 horas.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
