Nota de prensa
Nota de prensa do grupo municipal do PSdeG PSOE de Burela
Dende o grupo municipal socialista de Burela queremos expoñer a incoherencia do equipo de goberno sobre o izado das bandeiras azuis 2011. O pasado sábado día 2 de Xullo, o alcalde e parte do grupo de goberno do PP procedeu ao izado das bandeiras azuis na praia do Portelo e da Marosa, sen invitar a veciños nin a representantes políticos de toda a corporación, como viña sendo de costume nos últimos catro anos.
Unha das condicións de ter bandeira azuis nas praias é de garantir a calidade das augas de baño, a seguridade, a xestión ambiental e a información e educación para a sostibilidade. Todo isto non sería posible sen a responsabilidade compartida de todos os veciños de Burela. Por tanto consideramos que o izado das bandeiras debería ser un acto participativo onde tivesen representados todos os sectores sociais do noso concello. É triste que na primeira ocasión que tiveron de facer un acto no que todos os bureleses puideran amosar o seu orgullo das nosas fermosas praias, soamente se amosaron eles como protagonistas de todo, caendo en contradición co exposto no comité de xestión de praias, e na Axenda 21, nos que expoñían que era a súa intención de facer unha política de participación, véndose claramente que esa non é xa a súa intención. Tamén estamos preocupados polo que ocorre co selo ISO 14001 que garante a calidade e respeto medioambientais dos nosos areais a nivel europeo e que é unha forte motivación turística para o noso concello. Non entendemos como non están izadas as bandeiras que simbolizan dito distintivo como cumprimento do esixente programa que obriga a manter uns niveis de calidade de auga e servizos excepcionais. Este selo, aínda que foi financiado pola Deputación de Lugo no ano 2010, esixeu un traballo arduo por parte do anterior equipo de goberno, e no 2011 estábanse poñendo as bases para seguir mantendo este distintivo tan importante para Burela.
¡¡Mal empezamos!! e ¿¿Mal seguiremos??.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
