Nota de prensa
CERVO TIVO A OPORTUNIDADE DE AXILIZAR OS TRÁMITES PARA O DESBROCE DAS ESTRADAS PERO REXEITOU A OFERTA DA DEPUTACIÓN
-O organismo provincial puxo en marcha un convenio grazas ó cal os Concellos logran a xestión destas actuacións e a Deputación asume os gastos, Cervo foi o único da Mariña que non quixo firmalo
-Lara Méndez subliñou que “precisamente en materia de medio ambiente, o equipo de goberno só pode presumir de deixadez e inoperancia. Só hai que ver o Paseo Botánico, onde a vexetación chega a cubrir os bancos”
-A socialista engadiu que “ó mellor era máis necesario aumentar o persoal para o mantemento destas áreas que a contratación de 20 socorristas”
CERVO, 29 DE AGOSTO. A voceira do Grupo Municipal Socialista, Lara Méndez, en resposta ás acusacións do equipo de goberno polo retraso na limpeza de estradas de competencia provincial, asegura que “dende a Deputación de Lugo sempre asumimos o traballo e tratamos de lévalo adiante canto antes. Pero hai que ter en conta que debemos cumprir un proceso que leva tempo e retrasa, en contra da nosa vontade, a execución dos traballos”.
Lara Méndez subliñou que “para axilizar precisamente este proceso a Deputación de Lugo puxo a disposición de tódolos Concellos da provincia un convenio grazas ó cal cada municipio xestiona de primeira man estas actuacións e o organismo provincial asume as súas competencias encargándose dos costes. A medida foi moi ben acollida pola maioría dos Concellos da provincia, dos 67 municipios só 11 rexeitaron esta opción e o Concello de Cervo foi o único de toda a Mariña que non se quixo subscribir ó convenio. O equipo de goberno tivo a oportunidade de axilizar este proceso pero a xestión propia de competencias supón máis esforzo. Así se demostra quen ten ganas de traballar e quen non, quen se preocupa realmente polos seus veciños”.
A socialista destacou ademais que “está moi ben esixir os deberes na casa allea pero hai que empezar pola propia. E precisamente en materia de medio ambiente, o equipo de goberno só pode presumir de deixadez e inoperancia. Somos un concello que temos moito que ofertar en canto ó turismo e está todo abandonado. Só hai que ver como se encontra o entorno do Conxunto Histórico Artístico de Sargadelos, o Paseo dos Namorados ou o Paseo Botánico, onde a vexetación chega a cubrir os bancos”.
Neste senso, Lara Méndez engadiu que “cando falábamos hai poucos días de exceso de persoal e de sentido común á hora de reforzar uns ou outros servizos, estábamonos a referir precisamente a isto. Ó mellor era máis necesario aumentar o persoal para o mantemento destas áreas que a contratación de 20 socorristas”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
