Indignado focense

Indignado focense
Nestes días convulsos de agosto, penso nas inxustizas do mundo, e danme
ganas de chorar. Miles de persoas morrendo de fame no Corno de África,
namentras algúns directivos dp FMI gastan 3000 dolares por unha noite de
hotel. Inxustiza!
Mentras o sr. secretario do parlamento galego cobra 8000 euros ao mes,
moitas viúvas non pasan dos 400 , ou hai mais dun millón de fogares na
España, onde están todos no paro. Indignado! Que cinismo o deste sr. que
aínda por riba disque non cobra pola concellería de Cervo.
Mentras os srs. Construtores de Barreiros pensaban aportar 3,2 millóns de
euros para “ reforzar” a traída de auga, agora danlles todo gratis,
pagámolo os panolis de sempre, vía impostos. Que se poñan de acordo no PSG,
pois non cadra que a Deputación de Lugo aporte 1,4 millóns de euros, e hai
outros socialistas que non están pola labor. Iso aumenta, se cabe, o
despristixio dos politicos. Indignado!
Onte escoitaba en radio Foz ao sr. Rivera, ex-alcalde, e dábame noxo. Facendo
un repaso aos investimentos nos últimos tempos feitos pola Deputación en
Foz.:céspede campo de fútebol, areas recreativas, saneamento e para rematar
a faena, a cafetería do Cenima, poñendo éste polas nubes, cando alí se
gastaron, millor se tiraron 5 millóns de euros, a pregunta é para qué. Non
había outras prioridades en Foz? Indignado.
Segue a polémica pola prohibición das comidas no contorno Rapadoira, e
parece que o novo alcalde non rectifica. Pero se en Foz o verao dura poucos
días, e aínda lles poñen trabas aos visitantes, pois irán para outros
sitios, non van ir comer aos restaurantes de Foz. Por certo que seguen
facendo os camións do lixo aparcados no porto e cheirando , e tamén onde
están os municipais, que tal día coma onte, 9 de agosto armáronse
follóns de tráfico co mercado, as tómbolas, e por alí non apareceu
ninguén. Para isto pagamos os impostos? Ademáis toda área do mercado
quedou chea de bolsas e porquería e naide a limpou. Parece que hai unha
deixadez da limpeza en Foz, e un mal pensado, asomalle a idea dalgun biocot
ao novo alcalde por parte dalguns traballadores do concello. Disciplina sr.
alcalde.
Indignado polo que vexo do malgasto no país. Como non vamos estar en crise,
gastando os cartos a tolería ou planificando tan mal. Hoxe leo no xornal que
a Xunta vai pedir cartos a UE para o Gaiás, supoño que lles dirán , ata
logo Lucas. Cantos millóns se malgastaron alí? Tamén outra brilante idea
que escoitei hai poucos días, a de poñer servizo de Santiago ao Gaiás para
facilitar as visitas. Non pensaron en poñer unhos bos servizos que
comuniquen o aeroporto coa cidade para coller transporte para outros puntos
de Galicia. Fun testigo, en mais dunha ocasión da xente preguntando por
autobuses ou trens, xa non para Santiago, senon para Coruña, Lugo etc. Nada.
Sorte para os taxis, non ?
Podería seguer dandoi as queixas do mal estado das estradas, da necesidade
de boas comunicacións na Mariña, da pouca unión entre os pobos para unha
promoción conxunta desta área, pero por hoxe, xa me despido.

Brais