Nota de prensa:
O PP de Burela non dá a cara.
O pasado 28 de xullo, puidemos ver a auténtica cara do PP de Burela, no primeiro pleno ordinario celebrado desde que está á fronte do goberno municipal.
O BNG, a través da súa representante municipal, a concelleira Neves Cando, instou ao PP de Burela a dar conta dalgunhas cuestións das que ata o momento aínda non tiveran a responsabilidade e a decencia de informar publicamente, como son o Seminario de Jazz e a selección de persoal para cubrir servizos de salvamento e socorrismo nas praias de Burela.
O señor González Barcia non foi quen de dar explicacións dos motivos polos que decidiran deixar de organizar o Seminario de Jazz, como tampouco foi capaz no seu momento a señora Mónica Pedre de comunicar publicamente que a Delegación de Educación e Cultura cancelaba esta actividade, ocasionando consecuentemente un importante trastorno para as persoas que xa se matricularan e que posteriormente tiveron que solicitar a devolución do importe aboado ao concello de Burela. O PP tamén foi preguntado polo orzamento do Curso Interdisciplinar de Música, realizado na primeira semana de xullo na escola de música municipal, así como polo decreto no que se aprobaron as taxas de inscrición neste curso, porque ao BNG non lle consta que ningunha destas dúas cuestións figuren en documento municipal algún. De novo o señor Barcia non ten respostas e di que informará destes asuntos no próximo pleno municipal. Pode ter toda a certeza o PP, que desde o BNG actuaremos con seriedade e responsabilidade diante destes asuntos e que estaremos á espera de que sexan aclarados canto antes polo señor alcalde.
Á pregunta feita polo BNG sobre os motivos polos que fora substituído o persoal que integraba o tribunal para a selección de 10 persoas para os servizos de salvamento e socorrismo, o señor alcalde respondeu cun rotundo “por criterio de alcaldía”, que ven sendo como se dixese “porque me deu a gana”. Así son os argumentos do PP. Tampouco dixo nada da convocatoria realizada posteriormente para cubrir unha praza para estes servizos. Aínda non sabemos por que quedaron fóra do proceso selectivo persoas que tiñan maior puntuación no apartado de méritos que a propia persoa seleccionada. Resulta curioso que queden fora persoas que acreditaron 2,5 puntos no apartado de formación e que tiñan experiencia e que pola contra, sexa seleccionada unha persoas que ten 0,25 puntos no apartado de méritos e sen experiencia previa. Resulta curioso que só aprobe unha persoa a entrevista e por conseguinte non se realice ningún tipo de proba práctica para a selección do persoal que vai ter a responsabilidade de velar pola vida das persoas que disfruten das nosas praias. Aínda que xa non resulta tan curioso cando un se dá conta de que a única persoa que supera o proceso selectivo ten parentesco co señor González Barcia.
En definitiva, desde o BNG entendemos que só hai dúas explicacións posibles ante tanto silencio do PP: ou ben non teñen razóns ou ben tendo razóns, non poden pronuncialas publicamente. Esta é pois a verdadeira cara do PP, a do silencio e o cinismo cando teñen algo que ocultar e a do caciquismo e escurantismo nos procesos de selección de persoal. Pasados só dous meses desde a súa chegada ao goberno, o PP xa tirou a careta e ensina o seu verdadeiro rostro: o do caciquismo, o cinismo e a hipocrisía. O BNG non esperaba outra cousa da política do PP de Burela, aínda que lle presupuña máis discreción. O que si que temos claro e que seguiremos esixindo ao señor González Barcia que dea a cara, que sexa transparente e que actúe con responsabilidade, pois como alcalde de Burela, ten a obriga de gobernar para todos e todas a veciñas.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
