Nota de prensa
ALFONSO FUENTE E JAVIER CASTIÑEIRA EXPUXÉRONLLE Á CONSELLEIRA DE SANIDADE A NECESIDADE DE MANTER OS TEMPOS DE ASISTENCIA AOS VECIÑOS DE MARIÑA COA AMBULANCIA MEDICALIZADA DE FOZ, UNHA VEZ QUE SE REORGANICE O SERVIZO.
Barreiros, 31 de agosto de 2011. O presidente da Mancomunidade de Municipios da Mariña e alcalde de Barreiros, Alfonso Fuente, e o rexedor de Foz, Javier Castiñeira, expuxéronlle nas últimas horas á conselleira de Sanidade, Pilar Farjas, a necesidade de manter os tempos de asistencia aos veciños da Mariña coa ambulancia medicalizada de Foz, unha vez que o se reorganice o servizo.
Os rexedores lembran que “na base de Foz ata o momento estaban a operar pola noite dúas ambulancias, unha medicalizada e unha asistencial. Coa restructuración do servizo que prevé aplicar a Xunta será a medicalizada a que traballe durante a noite” e subliñan que “esa ambulancia conta co equipamento hospitalario necesario para atender as demandas que poidan xurdir e que a asistencial non podería cubrir, xa que ademáis irá acompañada dun médico”.
O alcalde de Foz e o presidente da Mancomunidade de Municipios consideran que “non se poden gastar recursos de xeito innecesario”. Castiñeira subliñou que “durante o día se fan o triple de servizos que durante a noite e os recusos son os mesmos durante o día que durante a noite, eso quere dicir que durante a noite hai recursos ociosos. Eso é insostible, non se poden manter recursos deste xeito. A Mariña estará perfectamente cuberta de noite coas 4 ambulancias coas que conta e coa medicalizada”. Ambos mandatarios municipais abogan “por optimizar na medida do posible para manter unha sanidade de primeira”. Fuente e Castiñeira sinalan que “as ambulancias medicalizadas en Galicia están ubicadas en lugares cunha poboación moito maior que a de Foz, polo que os veciños da Mariña nos temos que considerar privilexiados neste sentido”.
Sobre as críticas verquidas nos últimos días desde o PSOE e desde o BNG os rexedores manifestan que “nós o que queremos é que se manteñan os tempos de asistencia. Así consideramos que o servizo estará mellor prestado. Non permitiremos que o servizo empeore para os nosos veciños, porque entre eles tamén estamos nós e as nosas familias”. Fuente Parga engadiu que “ninguén pense que por estar no PP imos asentir con todo, pero neste caso vemos que se pode prestar un servizo de calidade. O que non quere ningún alcalde do PP é que ocorra o que xa está a suceder noutras comunidades autónomas nas que se están a pechar ambulatorios e pequenos hospitais”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
