Nota de prensa:
Os populares insisten en que a posta en marcha dunha área de rehabilitación integral (ARI), que debe ser solicitada polo Concello, é a opción máis vantaxosa xa que lles permitiría reparar as vivendas con financiamento da Xunta e do Estado, e facilitaría a reurbanización do barrio afectado polos derrubes
O GRUPO POPULAR PROPÓN SOLUCIÓNS PARA A REHABILITACIÓN DO BARRIO DO CELEIRIÑO ANTE A FALTA DE INTERESE E REACCIÓN DA ALCALDÍA DE VIVEIRO
O bipartito municipal parece obviar os problemas destes veciños que en febreiro de 2008 víronse obrigados a abandonar as súas vivendas como consecuencia dos danos que nelas provocou a cimentación dun edificio contiguo que contaba coa licenza urbanística outorgada pola Alcaldía socialista.
Viveiro, 25 de agosto de 2011.- O Partido Popular quixo ofrecer solucións para compensar a falta de interese e reacción da Alcaldía do concello lucense de Viveiro en relación coas tarefas de rehabilitación do barrio do Celeiriño, que continúan pendentes pese a ter transcorrido máis de tres anos desde que tiveron lugar os primeiros derrubes.
O deputado do Grupo Parlamentario Popular Jose Manuel Balseiro, acompañado do presidente desta formación política en Viveiro, César Aja, e doutros edís populares e veciños, deron a coñecer hoxe sendas iniciativas que serán obxecto de debate -tanto no Concello como no Parlamento- ao inicio do novo curso político, e que buscan a posta en marcha do que se coñece como Área de Rehabilitación Integral (ARI).
Os populares apostan por esta fórmula para darlle unha solución definitiva aos veciños afectados polos derrubes e insisten en que a posta en marcha dunha área de rehabilitación integral, que debe ser solicitada polo Concello, é a opción máis vantasoxa xa que lles permitiría reparar as vivendas con financiamento da Xunta e do Estado, e facilitaría a reurbanización do barrio afectado polos derrubes
A ALCALDÍA AUSENTE
En opinión dos populares a Alcaldía vén demorando sen xustificación algunha esta solución pese a ser plenamente coñecedora de que, coa lexislación vixente na man, esta é a fórmula máis acaída. O bipartito municipal parece obviar unha realidade, que está a xerar gran desacougo entre os veciños afectados, desde que en febreiro do ano 2008 tiveran que abandonar as súas vivendas, como consecuencia dos danos que nelas provocaron as labores de construción e cimentación dun bloque de vivendas contiguo, que contaba coa licenza urbanística outorgada pola Alcaldía socialista.
Fai máis de tres anos esta realidade obrigou á evacuación de moitas das vivendas deste barrio, ao reacollo dos seus propietarios e a o aillamento de moitos veciños carecendo durante todoes este tempo de acceso rodadado, o que impedía a entrada de servizos esencias como o butano, víveres, ou incluso ambulancias.
MAIOR CONTUDENCIA E ASUMIR RESPONSABILIDADE
Os populares insisten en considerar incomprensible que desde a Alcaldía non se actúa con maior contundencia coas empresas responsables dos danos e instan tamén ao Goberno municipal a requirir as indemnizacións oportunas a través da vía xudicial correspondente, lembrándolle que esta petición xa foi acordada por unanimidade no Pleno municipal que tivo lugar o 29 de setembro de 2009.
Lembran ademais que a responsabilidade da empresa causante dos danos xa foi aceptada en vía xudicial e que isto non é óbice para agochar tamén a propia responsabilidade política do alcalde socialista, Melchor Roel quen, con data 25 de maio de 2007, acordou en Xunta de Goberno local, a pesares de poseer informes técnicos e xurídicos negativos e a pesar de que se suscitaban dúbidas sobre a idoneidade dos traballos executados, outorgar a licencia de construción do edificio cuxas obras levaron ao derrube de practicamente todo un barrio.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
