Nota de prensa
A Deputación presta asesoramento gratuíto ós Concellos para pagar facturas pendentes con créditos ICO
– Martínez avanza que a institución remitiu unha carta a todos os Alcaldes da provincia, dándolles conta da nova medida de cooperación para dotar de liquidez ás entidades locais
– O Ministerio de Economía concedeu xa 19 axudas a 17 municipios do país, cancelando unha débeda de 9,5 millóns de euros e aboando 4.319 facturas a empresas e autónomos
– A Xunta de Goberno aprobou obras en Vilalba de 390.000 euros, quedando pendente e á espera da documentación por parte deste Concello actuacións dotadas de 420.000 euros
O voceiro provincial socialista, Manuel Martínez, anunciou este vernes que a Deputación presta asesoramento gratuíto ós Concellos lucenses para facerse con créditos ICO. Trátase dunha liña de financiamento posta en marcha polo Ministerio de Economía e Facenda para dotar de liquidez ás administracións municipais e provinciais, ó permitirlles pagar as facturas pendentes por obras e servizos a empresas e autónomos. Martínez avanzou que a institución remitíu esta mesma semana unha carta a todos os Alcaldes da provincia, adiantándolles a nova medida de cooperación cos Concellos da institución.
O tamén Deputado de Xestión territorial explicou que tendo en conta as dificultades que se atoparon os municipios en anteriores convocatorias, o persoal do organismo provincial explicará polo miúdo a todos os Concellos interesados os requisitos que deberán cumprir ou a documentación que terán que entregar antes do 30 de novembro para optar a estas axudas. Deste xeito, a institución evítalles ter que recorrer a unha empresa exterior, aforrándolles cartos e tempo.
Segundo as bases, os municipios deberán aprobar a liquidación dos seus orzamentos xerais do ano 2010 e solicitar ó ICO a aceptación para concertar operacións de endebedamento. O importe susceptible de financiamento, xunto cos intereses estimados da operación de crédito, non poderá exceder o 25% do importe anual das entregas a conta da participación de cada entidade local nos tributos do Estado deste ano. Os municipios contarán cun prazo máximo de 3 anos para liquidar o préstamo.
O ICO aprobou xa as primeiras 19 operacións de préstamos que permitirán o pago de 4.319 facturas a autónomos e empresas de 17 entidades locais, cancelando unha débeda de 9,5 millóns de euros.
Obras en Vilalba
A Xunta de Goberno aprobou o proxecto de acondicionamento da LU-P-6515 ó seu paso pola área recreativa da Magdalena, en Vilalba, dotado de 390.000 euros, financiados na súa totalidade pola Deputación. É a segunda vez que esta actuación figura na Orde do Día. Na sesión do pasado 19 de agosto, o Goberno provincial viuse na obriga de deixar este asunto enriba da mesa logo de que o Concello non entregase a documentación requerida.
Trátase dunha obra incluída nos convenios do Plan Extraordinario de Obra Pública que asinou a institución co municipio chairego e outros 8 Concellos lucenses para levar a cabo novas actuacións por un valor total de 9 millón de euros (1 millón de euros por Concello) sen supoñer custe algún para as arcas municipais
A Deputación segue a ter pendente a contratación de actuacións por valor de 420.000 euros en Vilalba porque, 8 meses despois da asinatura de ditos convenios, o Alcalde vilalbés non entregou os proxectos, única obriga municipal. A diferencia, os Concellos de Monforte de Lemos, Becerreá, Burela, Foz, Sarria, A Fonsagrada, Lugo e Viveiro si o fixeron, permitindo ó organismo provincial ter adxudicadas máis do 90% do total das obras que ascende ás 70.
A este respecto, Martínez esixiu axilidade ó Rexedor chairego xa que, de non entregar os proxectos no prazo que establece o convenio ratificado por Deputación e Concello en decembro, Vilalba corre o risco de perder estas actuacións, privandos ós seus 16.000 veciños de novos servizos e bloqueando o mantemento de 40 postos de traballo que suporían a execución destas obras.
Sobre traballo
Precisamente, dentro da aposta polo emprego, a Xunta de Goberno aprobou solicitar á Consellería de Traballo a contratación de 2 axentes de emprego e desenvolvemento local, así como a prórroga doutro contrato, a través dos programa de cooperación coas entidades locais do Goberno galego. Para elo, a sesión tamén acordou achegar 128.000 euros, cantidade que lle corresponde adiantar segundo as bases destas axudas para dar traballo ás 3 personas e que deberá devolver a Xunta. Estes profesionais encargaranse da xestión da segunda parte dos proxectos europeos, dotados de 25 millóns de euros, que executará a institución na provincia.
Outros acordos
Aprobáronse 3 contas xustificativas do Plan de Comunidades Veciñais nos Concellos de Baleira e Pedrafita do Cebrerio. Están dotadas con 40.000 euros dos que a Deputación aporta 30.000 euros. As actuacións levadas a cabo foron as seguintes: acondicionamento dos cemiterios de Lastra (15.913 euros) e do Cádavo (8.000 euros), en Baleira; e arranxo do camiño e muros de peche en Veiga de Brañas, en Pedrafita do Cebreiro (16.000 euros).
Emular á Deputación
Manuel Martínez referiuse as últimas propostas realizadas pola Executivo autómico para a estensión da bancha ancha na Comunidade mediante un proxecto a desenvolver ata 2013. O voceiro esixíulle á Xunta que sexa máis ambiciosa “ou que polo menos trate de emular á Deputación” xa que, en menos dun ano, a institución provincial instalou este servizo en 33 Casas Consistorias, cunha calidade de 100 megas fronte ós 2 megas que ofrece o Goberno galego, e permitindo o seu acceso de xeito totalmente gratuíto a 145.000 veciños. A diferenza, a Xunta pretenden habilitar a conexión e que os cidadáns paguen polo servizo.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
