Nota de prensa
O BNG fai un chamamento a participar na mobilización nacional do sábado 17 contra esta reforma da constitución
Os nacionalistas mariñaos sumaranse a esta manifestación e fretarán autobuses dende a comarca que se poden reservar no tlf. 982140654 ou por correo electrónico en amarinha@bng-galiza.org
O acto realizarase na Praza do Obradoiro baixo o lema “pola Soberanía, os Dereitos Sociais e os Servizos Públicos. Esta reforma da Constitución é unha fraude.”
A Mariña, 13 de setembro de 2011. O BNG xunto con varias organizacións sociais, sindicais e políticas a comezar polo propio BNG convoca para o vindeiro sábado 17 de setembro ás 18.00hrs. na Praza Do Obradoiro unha mobilización social baixo o lema “pola Soberanía, os Dereitos Sociais e os Servizos Públicos. Esta reforma da Constitución é unha fraude.”. Os nacionalistas fan un chamamento a participar e anuncian que poñerán a disposición da cidadanía autobuses que poderán reservarse no tlf. 982140654 ou no correo electrónico do BNG da Mariña amarinha@bng-galiza.org . Segundo explicou Antonio Veiga Outerio, responsábel Comarcal , a reforma da constitución pactada por PSOE e PP “atenta contra os principios básicos da democracia ao non ser consultado o pobo en referendo” e “representa unha agresión sen precedentes ao autogoberno”, alén de significar a “constitucionalización das políticas neoliberais e os recortes sociais”
As políticas neoliberais xa están tendo o seu efecto práctico, incluso antes da consticionalización pactada por PP e PSOE
Antonio Veiga, responsábel Comarcal do BNG, afirmou que “levamos tempo vendo como as decisións tomadas desde que se iniciou o actual período de crise económica, alén de afectar o benestar das maiorías sociais, están a situar ao pé dos cabalos a democracia e o dereito á soberanía e o autogoberno dos pobos.”, segundo Veiga estas decisións “xa están tendo o seu efecto práctico nos recortes sanitarios, educativos e sociais que vemos tódolos días na nosa comarca”, e contan co impulso no ámbito galego do PP de Feijoo e o PSOE de Zapatero en Madrid, “ambos mais preocupados de contentar aos mercados que ao conxunto da sociedade”.
30 anos demandando reformas democráticas da constitución e agora Sarkozy e Merkel impoñen unha reforma antidemocrática que se resolve en quince días.
Antonio Veiga chamou a participar nesta mobilización para “facerse escoitar“ contra o que denominou “intenso ataque ás conquistas sociais que tanto custou conseguir” , e que agora queren eliminar pola vía constitucional e sen consulta popular, “como si a constitución fose patrimonio exclusivo de dous partidos políticos”. O nacionalista cualificou de “inaudito” que PP e PSOE “pacten esta reforma exprés de costas á cidadanía despois de negar durante mais de 30 anos aos nacionalistas unha reforma democrática que permitira o recoñecemento do carácter plurinacional do Estado“, e agora “non teñen impedimento en facer as reformas ditadas por Sarkozy e Merkel, que atacan directamente o estado do benestar e a capacidade financeira do noso país”, concluíu Veiga.
Convocatoria colectiva
A convocatoria para próximo sábado 17 na Praza do Obradoiro faise baixo o lema “pola Soberanía, os Dereitos Sociais e os Servizos Públicos. Esta reforma da Constitución é unha fraude.” O BNG compartirá este lema con organizacións sociais e sindicais como a CIG, a Organización Galega de Montes en Man Común, o BNG, Adega, FRUGA, a Asociación de Escritores en Lingua Galega, a ASPG, Galiza Nova, os Comités e a Plataforma en Defensa dos Servizos Sociais Públicos, entre outros.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
