Nota de prensa
O voceiro do Mar, Jose Manuel Balseiro, defenderá esta petición a través dunha proposición non de lei que será debatida no Pleno do Parlamento
O GRUPO POPULAR RECLAMARÁ AO MINISTERIO QUE NO FUTURO O OPERATIVO LOXÍSTICO DE APOIO Á FLOTA DO BONITO SE DESPREGUE DESDE O INICIO DA COSTEIRA E NUNHA SOA FASE
Busca evitar que poida volver a producirse a situación de abandono e desprotección na que incorreu o Ministerio de Medio Rural e Mariño nesta anualidade
O Goberno estatal demorou a reunión de coordinación na que se deciden os medios aéreos e navais que as comunidades autónomas suman ao operativo de apoio da flota do bonito e mantivo durante semanas ao buque hospital Juan de la Cosa e ao patrulleiro Chilrreu sen capacidade de pestar asistencia aos pesqueiros
Santiago, 13 de setembro de 2011.- O voceiro do Mar do Grupo Parlamentario Popular, Jose Manuel Balseiro, defenderá no Pleno do Parlamento galego que terá lugar o martes e mércores desta semana, unha proposición non de lei coa que pretende evitar que volva a producirse no futuro a situación de abandono na que o Ministerio de Medio Ambiente, Medio Rural e Mariño deixou durante semanas ás embarcacións e tripulantes que participan na costeira estival de pesca do bonito.
O inicio da capaña no 2011 estivo marcado pola polémica. Todo iso como consecuencia da tardía reacción do Ministerio de Medio Ambiente, Medio Rural e Mariño, que non despregou desde o mesmo momento do inicio da pesquería o operativo loxístico en apoio desta flota. Múltiples voces desde o sector, e tamén desde o propio Grupo Parlamentario Popular, denunciaron en varias ocasións que durante días e incluso semanas nin o buque hospital Juan de la Cosa, nin o Patrulleiro Chilrreu (ambos de titularidade estatal) acompañaban ás embarcacións do bonito ou que estes permanecían lonxe da zona de pesca, polo que non era efectiva a asistencia que puiederan prestarlles aos pesqueiros en caso de emerxencia ou necesidade de apoio.
Por se iso fora pouco, o Ministerio tamén incorreu en falta de previsión cando só semanas despois de iniciada a campaña de pesca, presionado polas críticas do sector e as peticións da Xunta, convocou a reunión de coordinación para determinar os medios navais e aéreos que as comunidades autónomas, entre elas a de Galicia, suman a este operativo de apoio. A demora na celebración da reunión, supuxo un retraso na incorporación destes efectivos que, como o caso do buque da Xunta Sebastian de Ocampo, si puido acompañar á flota durante o mes de agosto, intervindo en varias ocasións.
SOLUCIÓNS PARA O FUTURO
A iniciativa parlamentaria dos populares reclamará ao Ministerio que, para os vindeiros anos, a reunión de coordinación coas comunidades autónomas teña lugar en datas anteriores ao inicio das costeira e que o propio despregue do operativo loxístico de apoio á flota, se efectúe nunha soa fase e desde o primeiro día no que teña lugar o inicio da campaña de pesca.
En contraposición coa pasividade amosada polo Goberno central, a Xunta de Galicia acompañou, cando lle deron oportunidade de facelo, á flota boniteira co buque polivalente Sebastían de Ocampo e os helicópteros do Servizo de Gardacostas Pesca 1 e Pesca 2, estes últimos para colaborar coas embarcacións boniteiras que faenaban no Golfo de Biscaia. Para Balseiro Orol, este apoio amosa á claras a preocupación do departamento de Rosa Quintana por esta flota e esta actividade, á que tamén contribúe o Executivo autonómico cunha campaña de promoción comercial do bonito do norte.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
