Nota de prensa
PSOE: DEMAGOXIA E DESFACHATEZ SOBRE A PONTE DE ARANTE
Na mañá de hoxe, 13 de Setembro, dous deputados provinciais do Partido Socialista facían un paseo triunfal (acompañados de foto e nota de prensa) pola Ponte de Arante proclamando as bondades da Deputación Provincial (na súa banda socialista) unha vez rematadas as obras nesta infraestructura tan necesaria para o tránsito dos veciños da zona rural do concello de Ribadeo. Non contentos con este alarde de vanagloria de quenes teñen entre as súas obrigas acometer esta obra e todas aquelas que supoñan o mantemento das infraestructuras de titularidade provincial, adican a meirande parte da nota de prensa a arremeter contra a Xunta de Galicia. A respecto desta cuestión dende o Partido Popular de Ribadeo queremos realizar as seguintes consideracións:
A realización das obras neste vial por parte da Deputación Provincial non sinalan unha especial atención deste ente ó concello de Ribadeo ou ós veciños afectados polo desgraciado incidente da ruptura da ponte, senon que é o seu deber acometer esta inversión dado que a estrada afectada é de titularidade provincial.
O PSOE minte descaradamente cando afirman que a Xunta mantivo bloqueada a obra durante un ano posto que eles mesmos recoñecen que en Xaneiro estaban en posesión dos permisos pertinentes por parte da Xunta de Galicia.
Quéixanse amargamente sobre os cambios que tiveron que efectuar no proxecto e o incremento económico que supuxeron cando o único que se demostra con esto é que pretendían facer as obras ó seu antoxo sen adecuarse ós requerementos que dende os departamentos autonómicos se lles facían. Parece este proceder pouco exemplarizante para tratarse dunha administración pública.
Son inexactos, por non decir que minten, cando falan do descorrer dos acontecementos posto que dende a Deputación Provincial o único que se fixo durante os 6 meses do proceso de concesión dos permisos pertinentes para a obra foi facer movementos de cara á galería acompañados en todo caso de bombo, platillo e nota de prensa no intento de facer ver ós veciños que o retraso era culpa da Xunta cando foi imposible a solución do problema administrativo ata o momento en que o ente provincial cumpriu con tódolos requerimentos, data na que a concesión foi inmediata.
Esta obra foi un claro exemplo da falla de interese da delegación de obras da Deputación Provincial polas actuacións que acometen, a excepción da súa publicación para maior gloria do seu partido nos medios de comunicación. Durante as obras producíronse en reiteradas ocasións problemas co tendido eléctrico que supuxeron cortes de luz para os veciños e a parroquia, chegando a recibirse na mesma unha ameaza de corte por parte do suministrador eléctrico dado que a instalación non cumpría coas condicións de seguridade obrigatorias (a instalación da capela foi literalmente “arrancada” da parede) sen que ningún responsable da Deputación Provincial amosara o menor interese no asunto.
Durante a campaña electoral das eleccións municipais repetiuse por parte dos diversos candidatos socialistas a promesa de finalizar as obras antes do prazo establecido debido ó grande perxuicio que supón para veciños, empresas, gandeirías, etc o necesario desvío do tráfico e a posibilidade da finalización das mesmas a tempo para a celebración da recoñecida e multitudinaria romería das Cruces no mes de Xuño. Finalmente, unha vez pasadas as eleccións nunca máis se tivo noticia da Deputación nin por parte dos veciños nin da comisión de festas.
Resulta vergoñante a presunción da finalización en prazo da obra cando é consabida a obrigación de que así sexa. Semella que desde o organismo provincial poñen data de remate das obras aleatoriamente e, unha vez rematadas, compróbase se se cumpriron os prazos para presumir ou non delas. Sres. Socialistas, os prazos están para cumprirse e todos os que nos tomamos a molestia de observar con un pouco de atención o discorrer desta obra sabemos que nesta actuación a duración puido reducirse á metade posto que a maioría do tempo traballou nela un só obreiro e en moitas ocasións dous, incluso para as obras de movemento de terras e outro tipo de traballos voluminosos. A este ritmo ralentizado por falta de operarios hai que sumarlle as épocas (numerosas) nas que a obra estivo parada.
En definitiva, dende o Grupo Municipal do Partido Popular de Ribadeo queremos amosar a nosa indignación ante a pretendida manipulación da realidade que vén de perpetrar o PSOE con respecto ó grave problema da Ponte de Arante e denunciar o cinismo de quen intenta “vender” ante os veciños un compromiso que estivo lonxe de demostrar cos feitos posto que non foron máis aló de facer unha obra que era a súa obriga nun prazo que era a súa obriga, unha vez que foron capaces de cumprir os requisitos administrativos que lles son de obrigado cumprimento coma tódolos veciños deste concello e desta provincia.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
