Rajoyismo 10.0
Mira ti por onde, desde os xornais asturianos veña a chamarnos a atención sobre o afán expansionista do nacionalismo galego (e todo aquilo que, desde Galiza, contraviñera os seus intereses) e resulta que a nova imaxe do señor Rajoy (rajoyismo en estado puro en versión 10.0 ou a que faga falta) promove mapas galegos nos que se inclúen as comarcas limítrofes de fala galega de Asturias e Castela-León.
A maior abondamento, nese mapa, que aparecía detrás da imaxe dun Rajoy mozo, coidamos que pouco menos ao dereito de aprobar as oposicións (si: el tamén é funcionario; en excedencia, pero funcionario á fin), podíase ler “Galiza” e contemplar a bandeira galega coa estrela vermella de cinco puntas no medio. Oes! Para que digan que non hai meigas! Cousas do demo, tu!
Canto non teñen laretado a conta da forma “Galiza”. Lembremos que a Real Academia Galega considera que, desde o punto de vista histórico, é lexítimo e correcto o seu uso. Pois erre que erre poñelo todo patas arriba cando o escoitaban nunha comisión parlamentaria ou no pleno. O malo do asunto é que, como premio a tanta paifocada, algún deles agora dirixe importantes organismos. E cos tempos que corren! Sábeno ben no porto de Vigo, por exemplo.
Quizais isto comece a ser un pequeno exemplo das consecuencias do rexeitamento de todo aquilo que soe a galego, á nosa cultura, á nosa identidade. Agora, ademais, acentuado cos recortes en educación e cultura. Que hai que buscar un mapa de Galiza, pois o primeiro que saia pola internet. Que a bandeira galega leva unha estrela vermella, pois débenche ser do Depor ou do Celta. Mira que chama a atención que as dúas equipas, co mal que se levan entre si, teñan a mesma. Pero non penses demais, que é de parvos. E igual desconfían de nós e non nos renovan o contrato ao longo da semana. Dálle para adiante a ese mapa e morra o conto.
Cousa de meigas? Máis ben da precarización e de negarse a querer coñecer o propio (xa non digamos valoralo). Recortas en educación e acaban pasando esas cousas. “O tempo´a! O mo´es!”, que dicía o pirata orixinario de Numidia, aínda que tamén repoñía despois “E´a´e humanum est”. Pois claro que si, ho! Que foi o que lle ocorreu ao señor Pons, aducindo que a foto en cuestión, como era vella, respondía a un mapa moi antigo que causara polémica. Quérennos facer parvos. ┐E non traizoaría o inconsciente a Rajoy e estaría intentando mandarlle un recadiño (subliminal, of course) a Paco Cascos (e por extensión a Esperanza Aguirre) por aquilo de lles presentar lista o Foro en Madrid? Semella que o abandono do “marianismo”, disque por connotacións relixiosas cuase místicas, comezou un pouco ra(jo)iante. Non é?
Farruco GRAÑA
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
