Nota de prensa
Goberno local denuncia que está a sufrir unha persecución política por parte dos responsables de San Marcos
O CONCELLO DE CERVO SOPESA DENUNCIAR Á DEPUTACIÓN POR UNHA POSIBLE PREVARICACIÓN E POR UN PRESUNTO ABUSO MANIFESTO DE PODER
O organismo provincial remitiu ao consistorio cervense unha sanción de 20.000 euros pola colocación duns postes de subministro eléctrico durante as obras da rede de saneamento da Senra
A pesar de que os postes foron retirados pola empresa adxudicataria das obras cando se recibiu a primeira denuncia, o Concello recibe agora esta multa desproporcionada por algo que é alleo a el e fai que se plantee acudir aos tribunais para defender os intereses dos veciños e veciñas do municipio
O Grupo de Goberno levará este asunto a pleno para que os membros da oposición se pronuncien sobre este proceder da Deputación
Cervo, 24 de setembro de 2011.- “A función principal das deputacións provinciais é axudar e cooperar cos concellos, pero desgraciadamente parece que isto non se cumpre na de Lugo”, deste xeito comezou a súa comparecencia hoxe diante dos medios de comunicación o alcalde de Cervo, Alfonso Villares. O rexedor local, acompañado polo primeiro tenente de alcalde e parlamentario autonómico, José Manuel Balseiro, ofreceron hoxe unha rolda de prensa para denunciar “o abuso de poder” que exerce o organismo provincial contra os cidadáns do concello de Cervo.
O motivo destas declaracións é a recepción no consistorio dunha resolución da presidencia da Deputación na que sancionan ao Concello cunha multa de 20.000 euros pola colocación duns postes de subministro eléctrico para acercar o saneamento ao burgo da Senra. Segundo explicou o alcalde, cando se lle comunicou inicialmente ao Concello esta denuncia o Goberno local informou desta anomalía aos responsables da empresa adxudicataria e executora destas obras, a cal procedeu a retirar ditos postes. “Non se entende -a non ser que sexa un abuso manifesto de poder e unha persecución política- que nos chegue unha resolución da Deputación sancionándonos con 20.000 euros, cantidade que teñen que pagar todos os veciños de Cervo a unha administración que en lugar disto, o que debería de facer é axudar aos seus administrados” recalcou Villares.
Sanción de proporcións desmedidas
O alcalde cervense dixo que no actual momento de dificultades económicas en todas as administracións “e sobre todo nas máis achegadas aos cidadáns como son os concellos” non se entende esta persecución do ente provincial. “Non podemos permitir que se nos sancione por algo que é alleo a nós e que, en todo caso, calquera anomalía que se puidera ter producido, foi reposta ao seu estado inicial por parte dos responsables das obras cando se nos comunicou a denuncia inicial” recalcaron.
Para os membros do equipo de Goberno local “non colle na cabeza” a magnitude desta sanción “nin tal empezoñamento en querer recadar diñeiro dunha administración tan cercana ao cidadán como é un concello”.
Non descartan defender os intereses dos cervenses nos tribunais
“Aquí vese claramente unha persecución política, da cal esperamos que aqueles que só queren abusar, reconduzan a súa postura e que tal sanción sexa retirada e non tida en conta; porque de non producirse tal, verémonos obrigados a estudar a defensa dos intereses dos cidadáns de Cervo, chegando incluso a ter que denunciar unha posible prevaricación por un abuso manifesto de poder, xa que a magnitude da sanción non se corresponde en absoluto con ese espírito de colaboración e axuda para o que foron creadas as deputacións provinciais” recalcou o mandatario cervense.
Ao fío disto, Villares expuxo unha serie de dúbidas polo proceder da Deputación de Lugo neste conflito. “Gustaríanos moito que a Deputación nos respondese se houbo nestes anos unha resolución desta lesividade e magnitude contra algún concello desta provincia, ou se houbo algunha resolución tan sequera parecida á que nos acaban de poñer a tódolos cervenses por uns feitos semellantes aos que se nos imputan erroneamente”.
A oposición debe pronunciarse
Pola súa banda, o primeiro tenente de alcalde e parlamentario autonómico, José Manuel Balseiro, incidiu no abuso de poder da Deputación apoiándose no feito de que a pesares de que a empresa das obras do saneamento da Senra retirou os postes causantes da denuncia no momento de ter coñecemento dela, “o expediente sancionador non se arquivou, como se fai habitualmente nestes casos, se non que proseguiu o seu curso e se fixo caso omiso a tódalas alegacións formuladas dende o Concello ata chegar a esta resolución. Isto demostra a clara intencionalidade de prexudicar a tódolos veciños e veciñas deste concello” asegurou Balseiro.
Por último, Balseiro adiantou que o grupo de Goberno local ten previsto levar este asunto a unha sesión plenaria para que os grupos que compoñen a oposición na corporación local manifesten a súa opinión por este proceder do ente provincial. “Esperemos que tanto o grupo municipal socialista como o nacionalista se poñan ao lado dos seus veciños e condenen abertamente esta actitude da Deputación, a cal choca frontalmente co principio de cooperación entre administracións” recalcou o primeiro tenente de alcalde cervense.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
