Nota de prensa
A CIG-ENSINO CRITICA A TARDANZA NA RESOLUCIÓN DE EDUCACIÓN SOBRE OS HORARIOS DO CEIP Nº1 DE CERVO
A CIG apoia ao profesorado do centro e entende a súa indignación
“A Xunta non pode seguir a desprestixiar o labor docente” afirma Dores Fernández Abel
Ribadeo, a 27 de outubro de 2011.- A CIG-Ensino emitiu un comunicado criticando a actitude da Consellaría de Educación e a súa tardanza en resolver unha modificación de horarios solicitada polo Ceip Nº1 de Cervo desde o pasado 6 de xuño.
Hai que dicir que a solicitude de modificación dos horarios lectivos dos centros está totalmente regulada e polo tanto debería estar resolta antes do comezo de curso, dado que despois indubidablemente provoca moitos trastornos tanto para o alumnado como para o profesorado e os pais e nais. “O que é impresentable é como desde o 6 de xuño e pasados case cinco meses a Xefatura Territorial de Educación aínda non ten resolto o asunto, cando o cambio de horarios foi aprobada por unanimidade no Consello Escolar do centro” critica Dores Fernández Abel. Por este motivo, a CIG apoia ao profesorado do centro na súa petición e entende que estea indignado porque a administración educativa os ignore deste xeito e non lles dea ningún tipo de explicación nin resposta.
Os motivos do cambio de horario son pedagóxicos e así o entende a comunidade educativa ao aprobalo por unanimidade no Consello Escolar. Neste sentido, a CIG critica as declaracións tendenciosas do Xefe Territorial de Educación, Ramos Ledo, pois parece máis preocupado en desprestixiar ao profesorado e en dubidar da súa profesionalidade que en buscar a mellor solución en beneficio dos alumnos e alumnas. Tanto é así que “a Xefatura territorial está a crear problemas onde non os hai co prexuízo que esta inoperancia trae para o correcto funcionamento do centro”.
A CIG-Ensino, polo tanto, insta á Xefatura a dar unha resposta inmediata á petición do Ceip nº1 de Cervo respecto ao cambio de horario e pídelle ao Xefe territorial, e por extensión á Consellaría, que deixe de criminalizar ao profesorado e actúe en defensa da calidade do ensino público.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
