Nota de prensa
MAITE: ‘AÍNDA ME FALTA UN POUCO DE CONFIANZA PARA DAR O CEN POR CENTO’
Un dos labores máis salientables do triunfo ante o Natudelia.com Zaragoza (2-0) foi o dunha das incorporacións ás filas burelistas desta tempada, o da ala Maite García de la Montaña, que contribuíu aos tres primeiros puntos na casa poñendo toda a súa garra sobre a pista. Porén, a xogadora laranxa confesou que “aínda me falta un pouco de confianza para dar o cen por cento. Non estou totalmente adaptada ao xogo das rapazas; tan só preciso coñecer un pouco máis a miñas compañeiras e que elas me coñezan a min”. “Pardeiro confía na miña marxe de mellora e dáme facilidades para acadar os obxectivos” explicou ademais a futbolista cacereña, de 23 anos.
“O traballo que se fai neste equipo non ten comparación coa miña experiencia anterior na Primeira División; o cadro é moi forte grazas á unión das xogadoras e á loita diaria nos adestramentos, do que a excelente achega do corpo técnico é a principal responsable” explicou a ala burelista que tamén aludiu ao perfeccionamento en ataque para seguir medrando: “Aínda nos falta algo en ataque e temos que ir mellorando pouco a pouco. Ante o Zaragoza demostramos que sabemos loitar, pero tamén puidemos demostrar moito máis ca o resultado, como xa fixemos co Ponte Ourense ou o Móstoles”.
Para a xogadora do Burela FS-Pescados Rubén a xornada desta semana depara un reto de altura, na visita á cancha do colíder. “O Gironella é un equipo que persoalmente sempre me gustou; é moi loitador e posúe xogadoras moi rápidas, coa posición de pivote e a portería como puntos fortes, ademais de ser unha pista difícil, cunha boa afección. Sen dúbida é un gran reto” puntualizou Maite.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
