Nota de prensa
ANTONIO VEIGA ANUNCIOU QUE A DEPUTACIÓN INVERTIRÁ 120.000 EUROS PARA A MELLORA DO CELEIRIÑO
O vicepresidente da Deputación informou de que esta cantidade será aportada por convenio co Concello de Viveiro, co que se recuperará o núcleo deste barrio viveirense
Antonio Veiga, “con este investimento, a Deputación cumpre cos veciños e veciñas do Celeiriño”
Lugo, 11 de novembro de 2011. Logo de aprobarse na Xunta de Goberno da Deputación desta mañá, o vicepresidente da Deputación, o nacionalista Antonio Veiga, informou de que mediante un convenio a Vicepresidencia Primeira da Deputación aportará 120.000 euros ao Concello de Viveiro para a mellora do barrio do Celeiriño.
Segundo indicou Antonio Veiga, “con este investimento estase a cumprir cos veciños e veciñas do Celeiriño e apórtase unha solución para que os servizos afectados polo derrubamento se restitúan”. Antonio Veiga explicou que “como todos sabemos, o barrio do Celeiriño, na actualidade, atópase nun estado de conservación deplorable debido ás circunstancias de asentamento do terreo, o que propiciou o derrubamento dunha parte das vivendas existentes e a interrupción dalgúns elementos dos servizos urbanos. Deste xeito, o convenio que se aprobou hoxe permitirá executar o proxecto desta intervención manifestamente necesaria dende hai tempo, e constitúe a primeira actuación que se realiza no entorno, contribuíndo de xeito decisivo á súa recuperación”. Neste sentido, Antonio Veiga reafirmou que “unha vez máis esta institución, ao contrario das administracións gobernadas polo PP, cumpre as súas promesas e actúa onde os lucenses o necesitan, coma neste caso concreto do Celeiriño, e non tapa a súa deixadez e inactividade, retirando recursos entre a cidadanía, como fai o goberno de Feijóo”.
A rúa que vén sendo obxecto das obras, a que comunica a rúa Atalaia coa rúa Grande, está actualmente dotada dos servizos de auga e rede de sumidoiros, pero estes quedáronse obsoletos debido ao crecemento urbanístico dos últimos 20 anos, e presenta ademais outros problemas relacionados cos colectores e pozos de saneamento. Por isto, levarase a cabo o aumento da sección de tubos que forman a rede de evacuación de augas residuais, dotarase á rúa de rede separativa de augas pluviais, aumentarase a sección da rede de abastecemento de auga potable, ou canalizar a instalación de subministro eléctrico que discorre polas fachadas, entre outras cousas. Como apuntou Antonio Veiga, “comézase así dando o primeiro paso para mellorar tanto os servizos existentes como a imaxe urbana deste histórico barrio mariñeiro”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
