Nota de prensa
O BURELA FS DESAFÍA O TEMPLO DO MELILLA FS
Rozando case un día de viaxe, coas súas vinte e catro horas, entre autobús e transbordador, o Burela FS Pescados Rubén afrontará mañá, xoves, a décima xornada da Segunda División ante o Melilla FS (20.00 horas), un rival cuxa fortaleza se concentra no pavillón Javier Imbroda Ortiz.
Dende a quinta posición (14 puntos), os pupilos de Quique García chegan moi motivados tras a contundente vitoria fronte ao Manzanares (10-3) co firme propósito de desafiar os melillenses, que a pesar de navegar pola zona baixa da táboa (14ª praza, 9 puntos) poden resultar practicamente invencibles na súa casa; de catro encontros como locais foron capaces de gañar tres: Hospitalet (6-3) e Eivissa (6-5), ademais de ostentar o título de único verdugo do líder granadino (3-1) ata o momento. O espectáculo futbolístico entre ambas as escuadras estará aderezado tamén co enfrontamento de dous dos máximos goleadores da categoría, Dani Martín (14) e Juanillo (13).
No asedio da zona alta, os tres puntos poden catapultar as intencións do Pescados Rubén incluso ata o podio; entre os rivais directos, o sexto, UMA Antequera, empatado cos burelistas, visitará a pista do cuarto, UA Ceutí, a tan só 1 punto; o terceiro, Hotels Plaza Andorra, tamén con 15 puntos, recibirá o Hospitalet Bellsport, con 10.
Vestiarios. O Melilla contará coa ausencia de Rafita, cun partido de sanción tras a cita co Martorell. O regreso ás filas laranxas de Christian, intervido de menisco no mes de setembro, está cada vez máis preto; o ala-peche viveirense xa comezou coa reincorporación paulatina aos adestramentos de grupo.
XXI Copa Galicia. O Mera FS, da Segunda División B, recibirá o CD Burela FS-Pescados Rubén o vindeiro martes, 22 de novembro, nos cuartos de final da Copa. O pavillón da Rabadeira, de Oleiros, acollerá a cita a partir das 21.00 horas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
