Nota de prensa
NACE UN RIBADEO SONDA NORTE, UNHA PLATAFORMA ABERTA FORMADA POR PERSOAS INTERESADAS NA CREACIÓN CULTURAL QUE SE FAI EN RIBADEO. DO 2012 AO 2015 PREVÉ A REALIZACIÓN DE FESTIVAIS DE ARTES E IDEAS NA RÚA E NOITES TEMÁTICAS, ENTRE OUTRAS PROPOSTAS. SONDA NORTE FOI PRESENTADA HOXE POR XAVIER CAMPOS.
Ribadeo, 26 de novembro de 2011. O concelleiro de Mocidade e Sociedade da Información, Xavier Campos, presentou Sonda Norte este mediodía na Casa das Algas. Trátase dunha plataforma aberta, formada por todas as persoas interesadas na creación cultural que se fai en Ribadeo, en calquera das súas vertentes. Os obxectivos cos que nace este proxecto son apoiar a creación de contidos culturais en Ribadeo, darlles a ditos contidos a máxima visibilidade e difusión, mellorar a formación artística específica dos creadores locais e poñer en relación aos creadores e creadoras locais e os seus traballos con creadores doutros puntos de Galiza e de fóra.
Sonda Norte estará composto dunha web, un festival de artes e ideas na rúa, un ciclo de noites temáticas con creadores locais, un programa de formación artística, un programa de apoio ás producción culturais ribadenses e á súa distribución e un programa de voluntariado cultural. A intención de Xavier Campos é levar adiante este proxecto desde o vindeiro ano e ata o 2015, “sen présa, mais tamén sen pausa”.
O edil nacionalista considera que “o diñeiro público, de todos e todas, non debería servir para reforzar un modelo de cultura-espectáculo, senón outros coma: o da cultura de base, o da cultura popular, o da cultura alternativa. E proxectos coma éste, Sonda Norte”. Campos subliñou que “recurriremos á orixinalidade e á boa vontade da xente, porque contaremos cun presuposto reducido adaptado á austeridade económica que nos toca vivir neste momento”.
De Sonda Norte poderá formar parte calquera persoa, xa que se organizará de forma aberta, a través dunha Asemblea e Coordinadora, “non nos imos constituir formalmente como colectivo. Segundo explicou Xavier Campos “o festival de artes e ideas na rúa que pensamos facer sería no verán e o ciclo de noites temáticas queremos programalo cada dous meses”. O concelleiro de Mocidade indicou que en Sonda Norte o protagonismo será da xente nova de Ribadeo. Sonda Norte bota a andar no día de hoxe coa súa presentación pública.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
