Nota de prensa
DALLE A VOLTA AO NADAL, ASÍ SE DENOMINA A CAMPAÑA DE RECOLLIDA DE XOGUETES QUE PON EN MARCHA O CONCELLO DE RIBADEO E QUE ARRANCA O VINDEIRO LUNS, 28 DE NOVEMBRO.
Ribadeo, 25 de novembro de 2011. Dalle a volta ao nadal, así se denomina a campaña de recollida de xoguetes que pon en marcha o Concello de Ribadeo coa colaboración do ciclo superior de educación infantil do IES Gamallo Fierros e que arranca o vindeiro luns, 28 de novembro.
Na súa presentación este mediodía no salón de plenos de Concello a edil de Saúde e Servizos Sociais, Teresa González Piñeiroa, contou que “a campaña organízase dun xeito transversal porque aínda que o motor é a área de Saúde e Servizos Sociais está coordinada con Educación, Cultura e Mocidade. E contamos coa colaboración do ciclo superior de educación infantil do IES Dionisio Gamallo Fierros”. A concelleira nacionalista explicou que “a idea xurdiu pola proximidade das datas do nadal, onde todos os nenos agardan con ilusión seren agasallados e tamén tendo en conta a actual situación social e económica que estamos a atravesar. Tiñamos claro que non queriamos levar adiante esta campaña desde a perspectiva da caridade, senón tendo en conta o factor educativo e formativo, por isa razón a facemos en colaboración co ciclo superior de educación infantil do IES Gamallo Fierros”.
González Piñeiroa dixo que “haberá obradoiros en todos os centros de ensino de Ribadeo, no Sagrado Corazón, no Gregorio Sanz, no Porta da Auga, no Centro Integrado de Formación Profesional e no IES Gamallo Fierros. Serán do 28 de novembro ao 2 de decembro e tentarán comunicar contidos como a solidaridade, a reciclaxe e sobre todo a que os nenos se poñan no lugar dos demáis, e que aprendan a necesidade de desprenderse de cousas que eles queren”. A responsable de Saúde e Servizos Sociais subliñou que “o que pretendemos e que eles, os nenos, entreguen os xoguetes que a eles lles gustaría recibir, que non se aproveite esta iniciativa para desfacerse de todo o que nos sobra na casa. Queremos que se pense no neno que vai recibir eses xoguetes, que deberán estar en bó estado”. Ao tempo que se celebren os obradoiros entregaránse uns folletos con consellos para ter en conta á hora de entregar eses xoguetes, que terán como destinatarios a nenos de 0 a 16 anos.
Teresa Gonzaléz indicou que “os xoguetes poderánse entregar en todos os centros de ensino e nos servizos sociais no auditorio municipal do 28 de novembro e ata o 21 de decembro. Recolleránse con certa periodicidade, despois o persoal deste departamento catalogaraos por idades e finalmente como aquí temos unha base de datos de familias potencialmente interesadas en recibir estes xoguetes, poñerémonos en contacto con elas para que se acheguen ao almacén que habilitaremos a elexir alí tamén os xoguetes que queren para os seus fillos, ao igual que facemos cando imos a unha tenda”. A concelleira fixo “unha chamada ao resto da veciñanza de Ribadeo porque hai xente que nós non temos na nosa base de datos e que poden estar interesados en recibir estes xoguetes. Si ao mellor temos máis oferta que demanda de xoguetes contactaremos con diversas oenegés para darlles saída a fora de Ribadeo”.
O eslogan da campaña é Porque xogar é un dereito non un privilexio, agasalla xoguetes, agasalla ilusión. Teresa González Piñeiroa agradeceu a colaboración da responsable do ciclo superior de educación infantil do IES Gamallo Fierros e a todo o alumnado “porque nos seus blogues e nas redes sociais involucráronse moito con esta campaña. Tamén lle agradecemos a súa participación a todos os centros de ensino de Ribadeo, que sempre son receptivos ao que lles plantexamos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
