Nota de prensa:
O CONCELLO SEGUE SEN DAR EXPLICACIÓNS SOBRE O PROBLEMA DA TURBIEDADE DA AUGA E ANUNCIA UNHA NOVA AVARÍA
-Os socialistas aseguran que
-Consideran unha desfachatez que a edil de Medio Ambiente diga que esta auga é apta para o consumo. “Qué veciño pode beber, cociñar ou asearse cunha auga marrón”
CERVO, 28 DE NOVEMBRO. A turbiedade da auga segue sen solución e o Concello de Cervo anuncia unha nova avaría. Os socialistas insisten en que a situación non pode continuar así, “é incrible que unha ETAP inaugurada hai un ano nos dé estes problemas. Non podemos consentir que o recibo da auga se incremente nun 41% e que os servizos vaian a peor. O alcalde, Alfonso Villares, e o seu equipo levan tres meses sen dar solución e agora parece que se nos presenta outra avaría. Esiximos que se poñan a traballar e que tomen as medidas oportunas urxentemente. O que non pode ser é que canto máis pagamos máis problemas temos”.
O Grupo Municipal Socialista esixiu ó señor alcalde explicacións pero a única noticia que reciben os veciños é que nos vindeiros días teremos novos problemas, así o comunicaba esta mañá a concelleira de Medio Ambiente, Begoña Alonso. Os socialistas pregúntanse se “esta nova avaría é a que nos vén ocasionando os problemas dende hai tres meses ou é algo novo. Calquera resposta por parte da edil popular será negativa, pois, se esta era a raíz do problema, leva tres meses a avaría sen arranxar e se non ten nada que ver, entón hai que solucionar dous problemas, o que temos dende setembro e este novo”.
Os membros do GMS engaden que a señora Alonso parece que trata ós veciños por tontos, pois “seguen sen dar solución, anuncian unha nova avaría, incrementan o recibo da auga e ofrecen uns servizos peores e por riba ten a desfachatez de asegurar que non hai problema porque a auga é totalmente apta para o consumo. Os resultados das analíticas das que fala estarán moi garantizados, pero cremos que ningún veciño pode beber desta auga marrón, ningún veciño pode preparar os alimentos con esta auga marrón e a ningún veciño lle é agradable ter que asearse con auga marrón”.
Os socialistas esixen que “o equipo de goberno dé solución a este problema sexa un ou varios, despois da noticia de hoxe, e que a auga volva saír das billas coma ten que saír e non ocasionen máis incomodidades ós veciños. Xa pasaron tres meses, tempo suficiente para ter todo máis que solucionado”.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
