Nota de prensa
OS SOCIALISTAS DESTACAN QUE O PROBLEMA COS PROVEEDORES SE PODE SOLUCIONAR CO DIÑEIRO RECAUDADO
-Os socialistas logran dar marcha atrás á petición dun crédito ICO que non axudaría a reducir a débeda se non a incrementala, “a maiores teríamos que pagar 44.000 euros de intereses”
-Destacaron que “o problema pódese solucionar co diñeiro recaudado polo pagamento do imposto de vehículos e da contribución rústica e urbana”
-O GMS de Foz propuxo que “sexa á Xunta de Galicia quen xestione a depuradora municipal”
O pleno celebrado no Concello de Foz durante a tarde de onte tivo como tema principal a débeda actual á que se enfrenta o alcalde, Javier Castiñeira, e a súa maneira de solucionar o problema. Os membros do Grupo Municipal Socialista de Foz destacan que “o señor alcalde non vía outra forma de pagar as débedas a proveedores sen pedir un crédito ICO. Un crédito que en lugar de reducir a débeda pública non faría máis ca incrementala, pois cuns intereses do 6,25% a pagar en tres anos, teríamos que pagar a maiores 44.000 euros”.
Os socialistas propuxeron buscar outras liñas de financiamento máis vantaxosas ca este crédito lembrando que “tan só cos fondos que vén de ingresar nas arcas municipais polo pagamento do imposto de vehículos e da contribución rústica e urbana, conta cun millón e medio de euros”. A proposta socialista logrou dar marcha atrás á petición do crédito e que o equipo de goberno se replantee esta medida.
Alternativas ó incremento de taxas
Ademais disto, o equipo de goberno puxo enriba da mesa varias mocións, todas elas pensando en incrementar diferentes taxas. Dende o Partido Socialista subliñan que o señor alcalde fixo referencia ó incremento do recibo da auga e ó encarecemento do servizo da piscina municipal. “Tódolos informes onte presentados eran estimacións realizadas polas empresas adxudicatarias de ambos servizos. Esiximos que sexa un técnico municipal o que realice un informe revisando a situación real e onde se valore ben esta subida. No caso de que este informe municipal estime necesaria a subida do 20% como se di nos datos das empresas adxudicatarias, pedimos que o incremento non se leve a cabo só neste ano, senón que se reparta en dous anos. Cremos que nestes momentos de dificultades económicas non é o mellor momento para gravar ás familias en certos servizos”.
En canto á aplicación da taxa de depuración de augas residuais, os socialistas tamén propuxeron unha alternativa, “é sabido que noutros concellos como por exemplo en Alfoz ou O Valadouro, é a Xunta de Galicia quen asume a xestión das depuradoras municipais, entendemos que se podería negociar coa administración autonómica esta posibilidade e que fose a Xunta directamente quen se fixese cargo da depuradora de Foz e da xestión do servizo de tratamento de augas residuais”.
Aprobado por unanimidade
O Grupo Municipal Socialista de Foz asegura que tamén se aprobaron por unanimidade varias mocións presentadas por diferentes grupos políticos, “en primeiro lugar, o Concello de Foz instará á Xunta de Galicia para que leve adiante un Plan de Reactivación Turística que contemple melloras no Mirador da Frouxeira e no Castro de Fazouro. Por outra banda, pedirá ó Goberno Galego que reconsidere a diminución que levou adiante co Plan Concertado en canto a servizos sociais, xa que concretamente en Foz supuxo unha reducción do 80% dos fondos”.
A corporación focense recordando que hoxe é o Día Internacional contra a Violencia de Xénero, resaltou “a importancia de solicitar ó goberno da Xunta de Galicia e ó vindeiro Goberno Central a que continúen aplicando políticas en contra da violencia machista”.
E finalmente, no apartado de rogos e preguntas, o Grupo Socialista pediulle ó alcalde, Javier Castiñeira, que “non discrimine a ningún focense, pois os veciños das parroquias teñen o mesmo dereito cos da vila de dispor de alumeado de Nadal”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
