O PSOE recorda que nos orzamentos de 2012 a Xunta só destina 284 mil euros para o Hospital da Costa

Nota de prensa

VAL ALONSO SOSPEITA QUE O INTERESE DE SANIDADE SOBRE TERREOS EN BURELA PARA A AMPLIACIÓN DO HOSPITAL NON SEXA MÁIS CUNHA ARMA ELECTORAL

-Nos orzamentos de 2012, a Xunta só destina 284.000 euros para o Hospital da Costa, “non sei qué clase de ampliación se pode levar adiante con estes cartos”

O Deputado Provincial do Partido Socialista, José Ramón Val Alonso, considera “unha burla por parte da Consellería de Sanidade que, a falta de tres días para as eleccións xerais, pregunte ó Concello de Burela si ten previsto no seu plan urbanístico algúns terreos para unha posible ampliación do Hospital da Costa”.

Val Alonso lembra que nos orzamentos da Xunta de Galicia para o vindeiro ano 2012, a partida destinada para este Hospital non superaba os 284.000 euros. Non sabemos qué clase de ampliación se pode levar adiante con estes cartos. O que sí se pode saber con este tipo de comunicados é que o PP aproveita moi ben os últimos días da campaña electoral”.

O socialista engade que “en lugar de interesarse repentinamente polos terreos que existen en Burela para unha suposta ampliación, que non será realidade, pois non se prevé nos orzamentos para o vindeiro ano, a Consellería de Sanidade debería preocuparse de cubrir mellor os servizos, as baixas do persoal, non demorar as listas de espera, non eliminar servizos de ambulancia e urxencias e dar un paso atrás na súa política de reducción das prestacións da sanidade pública”.