Nota de prensa
Convocadas concentracións nos centros, ás que se convida a participar ás ANPAS, o 15 de decembro
A CIG ENSINO anima a seguir mobilizándose contra os recortes no ensino e a política de imposición da Consellaría de Educación
Ribadeo, 13 de decembro de 2011.- A CIG-Ensino, xunto coas outras organizacións sindicais da área de educación, acordamos seguir coas mobilizacións en contra do incremento do horario lectivo e contra os recortes que está a sufrir o ensino público en Galiza. Estas mobilizacións veñen provocadas pola actitude inmobilista da consellaría, que non só adopta medidas de forma unilateral, senón que ademais se nega a abrir calquera proceso de negociación, poñendo de manifesto o seu talante antidemocrático.
Próximas mobilizacións: concentracións o día 15 de decembro
Entre as mobilizacións previstas están as de manter pancartas reivindicativas nos centros; aprobar nas Xuntas de Persoal unha proposta de resolución exixindo a retirada da orde e realizar concentracións en todos os centros educativos o xoves día 15, ás que convidan a participar ás ANPAS. As concentracións faranse, de ser posible, ao inicio da xornada escolar ou no recreo, aínda que o horario das concentracións dependerá de cada centro.
En contra da política de recortes no ensino público
Dores Fernández Abel, secretaria da CIG-Ensino na Mariña, lembrou ademais que os recortes e o incremento do horario lectivo, xunto coa imposición de funcións que non lle son propias ao profesorado, supuxeron xa unha redución de máis de 1.000 profesores; a supresión de 156 unidades; a imposibilidade de levar a cabo desdobres ou dificultades para atender á diversidade ou ás necesidades especiais, entre outros. “Nin sequera se cobren as baixas laborais, o que está a repercutir negativamente na calidade do ensino”, denunciou.
Esta situación, xa grave, vese empeorada cos recortes previstos nos orzamentos de 2012, que prevén unha diminución de 12 millóns de euros respecto dos de 2011. Xunto a iso, denunciou a diminución dos orzamentos destinados ao Capítulo I (persoal), en máis de 23 millóns €, prevendo xa unha redución de 587 profesores/as que se suman aos 1.000 postos que xa se destruíron este ano. Na Mariña, nos dous últimos anos elimináronse varios ciclos formativos, as escolas unitarias que quedaban e fixéronse máis agrupamentos o que levou a destrución de máis de 50 postos de traballo.
A secretaria local de CIG-Ensino acusou á Xunta de Galiza de que mentres aplica políticas de recortes nos servizos públicos coma o ensino, segue beneficiando ao ensino privado con máis cartos e ampliación de unidades escolares. Contra esta situación, a CIG-Ensino espera que o profesorado e os pais e nais se mobilicen novamente de forma masiva como ocorriu xa o pasado día 11 de outubro na que o 80% dos centros da Mariña secundaron as mobilizacións.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
