Nota de prensa
A VICEPRESIDENCIA PRIMEIRA DA DEPUTACIÓN APOIA CON 25.000 EUROS A FUNDACIÓN IMDECUM
Esta fundación ten por obxectivos impulsar, promover e coordinar a actividade deportiva, cultural, educativa e turística da Mariña
Veiga destacou que “trátase de unir esforzos para facer realidade unha comarca única en deporte, cultura e turismo onde todos os concellos mariñáns se vexan reflectidos”
Lugo, 30 de decembro de 2011. Antonio Veiga, o vicepresidente da Deputación de Lugo, na súa comparecencia de hoxe logo da Xunta de Goberno da Deputación anunciou que nesa propia Xunta de Goberno se aprobou unha subvención para colaborar coa Fundación IMDECUM por un importe de 25.000 euros, cuxo convenio asinou a posteriori co presidente da nomeada Fundación, Marcelino Luna Almarza (achéganse fotografías da sinatura do convenio).
Veiga destacou que “a través desta fundación trátase de unir esforzos para facer realidade unha comarca única en deporte, cultura e turismo onde todos os concellos mariñáns se vexan reflectidos, polo que decidimos apoiar a proposta, que hoxe se efectiviza, cando se nos presentou xa tempo atrás”. Pola súa banda, Marcelino Luna agradeceu a importantísima axuda da Vicepresidencia Primeira da Deputación “fundamental para poder sacar adiante os obxectivos desta Fundación”, persoando os agradecementos na figura do vicepresidente Antonio Veiga.
IMDECUM, Fundación para o Impulso ao Deporte, Cultura e Turismo da Mariña nace grazas ao apoio da Vicepresidencia Primeira da Deputación de Lugo e das institucións públicas, co obxectivo de impulsar, promover e coordinar a actividade deportiva, cultural, educativa e turística da Mariña; fomentar os valores de igualdade, tolerancia, solidariedade, cooperación e integración principalmente na infancia, xuventude, terceira idade, mulleres e daquelas persoas e colectivos con maior risco de exclusión; ademais de difundir, desenvolver e preservar o patrimonio histórico, cultural, natural e turístico da comarca.
Recoñecida como Fundación de Interese Galego pola Xunta de Galicia, a iniciativa mariñá xermolou no berce do CD Burela FS-Pescados Rubén, nunha xestión baseada nos modelos da súa escola de fútbol sala, que se fundamentan na cultura do esforzo, a atención á diversidade, a integración social e o principio de igualdade, sen esquecer a busca do talento, a posta en valor da creatividade e o traballo en equipo entre a xuventude da bisbarra.
IMDECUM pretende aglutinar ademais á empresa privada e conta na súa posta en marcha inicial coa representación no seu padroado de Pescados Rubén SL, Living Sport, Eje Atlántico, Oxem Sport e o CD Burela FS. A iniciativa centra a actividade dende os seus primeiros pasos, en febreiro de 2010, na colaboración con empresas, entidades financeiras, Administracións Públicas, institucións, asociacións e organismos de toda índole para contribuír aos obxectivos de cada un deles.
Ademais, na Xunta de Goberno aprobáronse as axudas destinadas a deportistas individuais do automobilismo lucense, dotadas de 8.000 euros, para sufragar os custes derivados de adquisición de xogos de rodas para participar en competicións, grazas ás que se beneficiarán 21 pilotos lucenses.
Tamén se aprobaron diferentes bolsas de formación para a Área de Cultura e Turismo da Deputación de Lugo, das que se beneficiarán 4 persoas, así como unha addenda ao convenio para reformar a escola habanera de Barreiros de cara á modificación dos prazos de execución.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
