A OMix do Concello do Valadouro organiza Obradoiros de Nadal

A OMix do Concello do Valadouro organiza Obradoiros de Nadal para valorar a cultura e tradicións típicas desta época, fomentar a creatividade, as reflexións positivas na convivencia e a conciliación laboral dos pais nas épocas non lectivas. Dividiremos as actuacións en grupo infantil de 3 a 7 anos e grupo dos maiores de 8 a 12 anos. As actividades terán lugar os días 26, 27, 28, 29 e 30 de decembro en horario de 16 a 18 horas na Casa da Cultura do Concello do Valadouro. Haberá actividades como Obradoiros de adornos de Nadal, de Postais, de animación á lectura coa figura do Apalpador, Ximcana, cociña navideña, etc. Pódense apuntar ata o 23 de decembro no teléfono 982 57 15 16 polas tardes ou persoalmente na oficina de información xuvenil.