Nota de prensa 1/2
Prospera co voto favorable de todas as forzas políticas a proposición promovida polos deputados Jose Manuel Balseiro e Emma Álvarez
O PARLAMENTO INSTA Á XUNTA, A INICIATIVA DO GRUPO POPULAR, Á POSTA EN MARCHA DUN PLAN DE EMPREGO E RECUPERACIÓN PRODUTIVA NA MARIÑA LUCENSE
Balseiro amosa a súa satisfacción polo consenso acadado e insiste en que o Grupo Parlamentario Popular e a Xunta seguirán traballando en defensa da Mariña e no combate ao desemprego
Santiago, 28 de decembro de 2011.- O Parlamento galego insta á Xunta de Galicia, a iniciativa do Grupo Popular, á posta en marcha dun plan de emprego e para a recuperación produtiva da Mariña lucense. Prospera así a iniciativa promovida polos deputados Jose Manuel Balseiro e Emma Álvarez e o fai ademais acada o voto favorable de todas as forzas políticas con representación da Cámara: PP, PSOE e BNG.
O Grupo Parlamentario Popular rexistrou unha proposición non de lei co obxecto ofrecer solucións ante as problemáticas xurdidas nos últimos meses, de xeito especial nos concellos de Mondoñedo e Lourenzá, tras o anuncio de peches empresariais e despedimentos vinculados a expedientes de regulación de emprego.
TEXTO FINAL CONSENSUADO
O texto final, consensuado, pide no seu primeiro punto “instar ao grupo empresarial FINSA a reconsiderar a súa decisión de pechar a factoría ECAR e a estudar posibeis alternativas para garantir a súa continuidade e a dos postos de traballo”. En segundo lugar pide “ás administracións competentes que establezan as negociacións co grupo empresarial FINSA co obxectivo de evitar o peche da fábrica ECAR en Mondoñedo e garantir os seus postos de traballo, así como tamén establecer as negociacións oportunas co grupo Mobles Hermida dirixidas a garantir o mantemento do emprego e a viabilidade da empresa”.
Finalmente o Parlamento mandata á Xunta a “impulsar en colaboración coa Deputación, o Estado e os concellos a formular un plano de desenvolvemento industrial con apoio público para contribuir á dinamización económica da comarca e, nomeadamente, dos concellos de Mondoñedo e Lourenzá”.
SATISFACCIÓN NO PARTIDO POPULAR
Balserio valora moi positivamente que fora posible acadar a unanimidade das tres forzas políticas e insiste en que o Partido Popular seguirá traballando para promover todo tipo de iniciativas parlamentarias de impulso á acción do Goberno que contribúan a unha maior defensa da comarca da Mariña e ao combate das súas principais problemáticas, como neste caso, en materia de emprego.
O deputado popular insiste en que esta vez si, e no Parlamento galego, fumos quen de reflectir o que os propios veciños da Mariña nos esixen “unidade e solucións”.
Nota de prensa 2/2
Populares, socialistas e nacionalistas consensuaron na Cámara galega un acordo similar ao acadado no pleno municipal de Mondoñedo e no que se lle pide ás distintas administracións que colaboren na posta en marcha dun plan de emprego e desenvolvemento industrial na Mariña
Elena Candia agradece que o Parlamento respectase o acordo e a vontade acadada no Concello de Mondoñedo e lamenta que a Deputación non fixera o mesmo
• O bipartito provincial racha a unanimidade acadada coa única pretensión de deixar fóra de todo compromiso cos desempregados á Deputación. “Cando chega a hora de verdade o Goberno de Besteiro e Veiga está ausente”
Lugo, 28 de decembro de 2011.- A portavoz do Partido Popular de Mondoñedo, Elena Candia, agradeceu ao conxunto das forzas representadas no Parlamento de Galicia que respectasen a vontade da Corporación Municipal de Mondoñedo e asumisen como propio un acordo similar ao consensuado no último pleno municipal de Mondoñedo e dirixido á posta en marcha dun plan de emprego para A Mariña.
Populares, socialistas e nacionalistas aprobaron por unanimidade na Cámara galega e no Concello de Mondoñedo un texto no que se lle pide ás distintas administracións que colaboren na posta en marcha dun plan de desenvolvemento industrial na Mariña, así como que negocien coas empresas ECAR e Mobles Hermida ao obxecto de que estas reconsideren a decisión de levar adiante o despedimento de traballadores.
Elena Candia volveu a lamentar que só o bipartito provincial sexa o único que se quede só “coa súa actitude inmobilista” e que, deste xeito, rache o consenso que si foi posible acadar tanto no Parlamento como en Mondoñedo. Lembra ademais que o mesmo texto que se aprobou no Parlamento e no Concello de Mondoñedo foi proposto como acordo alternativo e de consenso a través dunha emenda do PP no último pleno da Deputación Provincial, pero o bipartito non quixo aceptala.
A portavoz sospeita que detrás desta postura do bipartito provincial está un intento do Goberno da Deputación de deixar á marxe a esta administración, “fóra de todo compromiso cos desempregados mariñáns”. Lamenta unha vez máis que cando chega a hora de verdade “o Goberno de Besteiro e de Veiga está a agocharse, con el non se pode contar cando se trata de defender aos mariñáns, nin cando se trata de defender os intereses do conxunto dos lucenses”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
