Nota dre prensa
O BNG SUBSCRIBE O ACORDO PARLAMENTARIO PARA A ACTIVACIÓN DE EMPREGO NA COMARCA DA MARIÑA LUCENSE PERO ADVIRTE QUE O PP NON CONCRETA AS MEDIDAS A EXECUTAR
O portavoz de política laboral, Henrique Viéitez advertiu que o BNG non será un obstáculo na aprobación de acordos pero lamentou que a proposta do Partido popular non conleve medidas urxentes e concretas destinadas a resolver o desemprego nesta comarca
Santiago de Compostela, 28 de decembro, 2011. Trala votación, por unanimidade, da iniciativa do Partido popular sobre a posta en marcha das decisións e dos mecanismos precisos para un plano de recuperación do emprego e actividade económica da Mariña e nomeadamente nos concellos de Lourenzá e Mondoñedo, o portavoz de política laboral, Henrique Viéitez afirmou que o BNG non será nunca un obstáculo na procura da activación de emprego pero matizou que o Partido popular non aceptou a emenda nacionalista con “medidas concretas e urxentes” nesta liña.
Viéitez advertiu que, tras o acordo parlamentario, o BNG realizará un seguimento do contido do acordo e actuacións coa empresa ECAR para impedir o seu peche así como a revisión do ERE de Mobles Hermida.
Na súa intervención, o nacionalista lembrou que o BNG defendeu na última sesión plenaria unha proposta encamiñada a paralización do ERE extintivo de Mobles Hermida e que foi o Partido popular o que “impediu un acordo de todas as forzas políticas”.
Viéitez salientou que dende que goberno o PP na Xunta, a comarca da Mariña de Lugo experimentou un incremento no desemprego do 25% que se traduce en 1.000 postos de desemprego máis, (actualmente 4.939).
Para o deputado do BNG, o acordo parlamentario acadado hoxe responde a á “mala conciencia” dos deputados do Partido popular, J. Balseiro e Enma Álvarez que de maneira reiterada votaron en contra de propostas para a creación de emprego na comarca da Mariña e que agora- dixo-, “pretenden emendar” cun acordo na Cámara galega.
Viétez reclamou que a Xunta de Galiza “rectifique a súa posición pasiva” e de espectador ante a destrución de emprego e acometa “accións concretas” para fomentar a actividade laboral e planos de acompañamento social para as persoas desempregadas e sen prestación económica, concluíu.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
