O BNG di que o presidente da Xunta debe aclarar se no PP teñen cabida os franquistas

Nota dse prensa

VEIGA AFIRMA QUE “FEIJÓO DEBE ACLARAR SE NO PP TEÑEN CABIDA OS FRANQUISTAS”

O deputado do BNG e vicepresidente da Deputación esixe explicacións do presidente do PP de Lugo e do PP de Galiza, que tamén é o presidente da Xunta

Lugo, 28 de decembro de 2011. Esta mañá, tras onte o PP evitar coa súa abstención no pleno da Deputación de Lugo que Franco conserve as súas distincións honoríficas, o vicepresidente da Deputación de Lugo, o nacionalista Antonio Veiga, afirmou que “agora, Feijóo debe aclarar se no partido que el preside en Galiza teñen cabida os franquistas, xa que creo que se lle debe unha explicación á cidadanía de cómo valoran o feito de que persoas vinculadas ao PP sexan capaces de presentar alegacións na defensa do mantemento das distincións honoríficas a Franco”. Neste sentido, o deputado do BNG e vicepresidente da Deputación esixe explicacións do presidente do PP de Lugo e tamén do PP de Galiza, que tamén é á súa vez o presidente da Xunta.

Por esta razón, afirma Antonio Veiga, e á vista das alegacións presentadas onte por un grupo de lucenses, o PP debe mostrar a súa cara e explicar se “consideran que é compatible ser afiliado do PP e á súa vez facer unha defensa do réxime de Franco como fan no seu escrito de alegacións ao acordo de 2009 persoas vinculadas ao PP, como ex altos cargos do PP da época de Fraga”.

Por iso, no caso de que os Presidente do PP dea por bo que esas persoas teñen cabida no seo do PP terá que explicarllo á cidadanía.

Veiga considerou que por estas razóns e con estes comportamentos nas institucións democráticas, “o PP está pasando o límite do tolerable para considerarse un partido democrático, respaldando coa súa abstención os idearios dunhas persoas que foron membros destacados do PP de Lugo”.