Nota de prensa
MOCIÓN PARA A INCLUSIÓN DE ACTUACIÓNS EN BURELA NOS ORZAMENTOS
DA XUNTA DE GALIZA PARA O ANO 2012
O proxecto de orzamentos para Galiza que foi presentado polo goberno do
Partido Popular reflicte perfectamente a situación que todas as galegas e galegos
padecemos dende a chegada do goberno do sr. Feijoo ao Executivo galego: a máis
absoluta falta de iniciativas e parálise dun goberno que non ten alternativas para
afrontar a crise.
E unha mostra clara disto é o que reflexan os orzamentos da Xunta para o
vindeiro ano no que a Burela se refire. Recollen unicamente dúas actuacións cun
orzamento ridículo: o acceso ao porto (dotado con 20.000 €, igual que este ano que
está a punto de acabar e onde nada se fixo nesta obra) e reformas diversas no
Hospital da Costa (dotadas con 200.000 €). Nada máis. Non hai por parte do goberno
galego do Partido Popular unha aposta polo futuro de Burela, non só en investimentos
reais senón tamén na mellora da calidade de vida dos noso veciños e veciñas.
E ante isto, o Partido Popular de Burela non di nada, cala e non se lembra da
súas reivindicacións (claramente electoralistas antes de chegar ao goberno da Xunta)
sobre o acceso ao porto ou a ampliación do Hospital. O Partido Popular cala e
confórmase con esta miseria que recollen os orzamentos da Xunta para o vindeiro
ano no que a Burela se refire. Nunca antes Burela fora tan desprezada polo goberno
autónomo, nunca antes os veciños e veciñas de Burela estiveron tan esquecidos polo
goberno galego. E isto só ten un culpable: o Partido Popular na Xunta, que se
esquece de Burela, e o Partido Popular de Burela que cala e consente.
Por todo isto, dende o BNG imos presentar para o Pleno do vindeiro luns unha
moción para incluír distintas actuacións no noso concello e pedir a súa incorporación
aos orzamentos da Xunta para o ano 2012.
Pedimos unha aposta clara e decidida polo acceso ao porto (o Partido Popular
leva máis de dous anos no goberno galego e nada fixo) e a consignación para o ano
2012 de 750.000 € para esta obra. Pedimos a ampliación do Hospital da Costa e
posta en marcha do seu Plan Director cunha partida orzamentaria de 2.000.000 €.
Solicitamos unha nova escola infantil pública para Burela e o dragado e limpeza do
encoro de Rúa, dúas actuacións que consideramos prioritarias para o noso pobo e que
non aparecen para nada nos orzamentos da Xunta.
De todas estas actuacións, o BNG presentará enmendas no Parlamento Galego.
Agardamos que, tanto en Burela coma en Santiago, o Partido Popular tamén se
acorde do noso pobo e apoie esta moción e estas nosas peticións.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
