Nota de prensa
O BURELA FS RETOMA A LIGA DE PRIMEIRA EN PAMPLONA CON DUELO DIRECTO PARA DESPEDIR O ANO
Despois de case un mes de parada, a liga de Primeira División Feminina volve ás pistas e o Burela FS Pescados Rubén retoma a competición en Pamplona, e nada mellor que un duelo directo, ante o Lacturale Orvina, para despedir 2011. O pavillón Ezcaba acollerá mañá a undécima xornada, a partir das 19.30 horas, entre a oitava praza navarra e a novena galega, empatadas a 13 puntos.
“Volvemos con moitas ganas” asegurou o técnico laranxa, Javier Pardeiro, que incidiu no excelente estado do cadro burelista: “Chegamos nunhas moi boas condicións á cita; durante esta parada traballamos sobre a finalización para ser máis verticais e aproveitar mellor as xogadas preto da portería”.
O estratega laranxa recoñeceu a resistencia do rival na casa: “É un equipo moi difícil na súa pista; ata agora sacou todos os puntos como local, con vitorias tan importantes como a do Ponte Ourense (4-3) na novena xornada” dixo Javier Pardeiro, que definiu o xogo das navarras como “un equipo que espera en media pista e intenta saír aos contragolpes, algo que lle está achegando bos resultados na súa cancha, coa cara oposta a domicilio, onde só conseguiron 1 de 15 puntos posibles“.
Ás filas burelistas reincorpórase Jozi baixo os paus, despois de validar o título mundial co Brasil o domingo pasado, na cidade canarinha de Fortaleza.
Lidia. A ala Lidia Mesías cumprirá un partido de sanción fronte ao Lacturale Orvina por interromper un lanzamento de xogo o 12 de novembro ante o Atlético de Madrid Navalcarnero; o CD Burela FS recibiu o comunicado da sanción da xogadora con data do 22 de novembro. En relación con isto, o Cidade das Burgas, último rival do cadro burelista -o 19 de novembro-, reclamou ante o Comité de Competición da Real Federación Española de Fútbol a aliñación indebida das mariñás na semana seguinte ao Navalcarnero, alegando que a expulsión da xogadora laranxa, con vermella directa, carrexaba un partido de suspensión segundo o regulamento. No entanto, tal e como explicou o Comité, “se a xogadora non é sancionada nesa xornada pode disputar o encontro” e así foi, posto que nin o club nin a futbolista tiveron coñecemento oficial da devandita amoestación ata o día 22.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
