O profesorado do IES de Foz concentrarase o 15 de decembro ás 11.30 diante do instituto en defensa do ensino público

O profesorado do IES de Foz concentrarase o 15 de decembro ás 11.30 diante do instituto.

Esta concentración está convocada por todas as organizacións sindicais, que valoran a importancia de continuar coas mobilizacións en defensa do ensino público.
O persoal docente esixe a retirada da orde de 23 de xuño de 2011 pola que se modificaron os nosos horarios e se nos impuxeron novas funcións, como a vixilancia do alumnado transportado, sen negociación e acompañando esta imposición de toda clase de ataques ás e aos docentes. A imposición desta orde tivo como consecuencia que se iniciara o curso con máis de 1000 docentes menos. Esta situación impide a realización de diversas funcións importantes a nivel pedagóxico no noso centro, conleva o deterioro da atención á diversidade e a obriga a realizar novas funcións. Estes recortes previsiblemente se verán incrementados cos orzamentos de 2012, recortes que afectan sempre ao ensino público.