Nota de prensa
A CIG ENSINO CRITICA QUE A XUNTA DEIXE Á MARIÑA SEN NINGÚN CURSO DE LINGUA GALEGA
A Consellaría de Educación vulnera continuamente a Lei de Normalización Lingüística
A Mariña, 16 de xaneiro de 2012.- A CIG Ensino quere denunciar o trato discriminatorio que a Consellaría de Educación practica coa comarca da Mariña á hora de ofertar os cursos de lingua galega preparatorios para as probas dos niveis Celga 1, Celga 2, Celga 3 e Celga 4.
Segundo a orde publicada no DOG do 9 deste mes a Secretaría Xeral de Política Lingüística só oferta cursos de lingua galega de programación directa nas grandes cidades (A Coruña, Ferrol, Santiago, Lugo, Ourense, Pontevedra e Vigo) deixando a todas as persoas das demais comarcas e vilas sen a posibilidade de formarse no seu idioma. Estamos pois, segundo a CIG, diante doutro ataque directo ao galego pois negáselle a posibilidade de coñecelo e formarse nel a unha gran parte dos galegos e das galegas.
Ao mesmo tempo, a oferta dos cursos Celga en Galiza neste ano vese reducida en case un 30% con respecto ao ano pasado. No 2011, a Xunta ofertou 58 cursos de lingua galega nos distintos niveis mentres que este ano reduciuse a oferta a 45 cursos distribuídos só entre as cidades. O ano pasado en Lugo ofertáronse 9 cursos distribuídos entre a capital e as comarcas mentres que este ano ofertáronse 4 e só en Lugo capital. Polo tanto, a redución na nosa provincia foi de máis do 60%. Na Mariña o ano pasado houbo un Curso de Celga 4 en Ribadeo (no IES Porta da Auga) e outro de Celga 3 en Viveiro (no IES María Sarmiento) mentres este ano non se oferta ningún.
Por todo isto a CIG é consciente que a Xunta do PP está utilizando a súa falsa política de austeridade para ir reducindo as axudas e as iniciativas a prol do uso e o coñecemento do noso idioma nun momento no que todos os estudos científicos indican que o galego está reducindo o seu espazo lingüístico na sociedade. Ademais, con estas actuacións por parte da Consellaría de Educación e a Secretaría Xeral de Política Lingüística estase vulnerando o Plan xeral de normalización da lingua galega, aprobado por unanimidade no Parlamento de Galicia o día 22 de setembro de 2004, e que contén, entre outras, varias medidas dirixidas aos adultos e á sociedade, encamiñadas a renovar a política lingüística con respecto ao uso do galego, adecuándoa aos tempos actuais, co fin de equilibrar unha situación social de desigualdade entre ambos os dous idiomas, o que exixe medidas favorables ao galego para alcanzar ese equilibrio. Da mesma maneira, vulnerase a Lei de normalización lingüística, onde se deixa claro que o dereito de coñecer e usar a lingua oficial de Galicia non estaría garantido se os cidadáns non tivesen a posibilidade de aumentar (ou iniciar, se é o caso) o coñecemento e o dominio da lingua propia de Galicia.
A CIG Ensino vai a facer unha reclamación formal diante da Consellaría de Educación para que non se reduza e se amplíe a oferta de cursos de lingua galega e se distribúan de forma equitativa por todo o pais, así como solicitar polo menos dous cursos Celga para a comarca da Mariña pois temos os mesmos dereitos a formarnos no galego que os que viven nas cidades.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
