Nota de prensa
A Consellería do Medio Rural e do Mar constituíu hoxe a mesa de traballo cos grupos parlamentarios para avaliar a proposta galega para a futura PCP
A Xunta creará en marzo o grupo de traballo co sector para trasladar a Bruxelas unha postura de Galicia única e consensuada sobre a Política Común de Pesca
* Rosa Quintana sinalou que se traballará seguindo as bases asentadas no documento de análise e proposta de modificación da PCP, realizado entre a Consellería do Medio Rural e do Mar e o Instituto de Estudos Europeos Salvador de Madariaga
Santiago, 18 de xaneiro de 2012.- A conselleira do Medio Rural e do Mar, Rosa Quintana reuniuse esta mañá cos voceiros de pesca dos tres grupos parlamentarios en Galicia para avaliar a proposta galega para a futura Política Común de Pesca e determinar a estratexia a seguir para trasladar a Bruxelas as actuacións que se consideren importantes na defensa dos intereses do sector pesqueiro galego. Segundo sinalou a conselleira, unha vez consensuadas as propostas entre Xunta e grupos parlamentarios, serán trasladadas “nos primeiros días de marzo” ao Consello Galego de Pesca, onde se constituirá outro grupo de traballo co sector que dará continuidade á estratexia establecida por Galicia.
Rosa Quintana sinalou que se traballará seguindo as bases asentadas no documento de análise xurídica e proposta de modificación da PCP, realizado entre a Consellería do Medio Rural e do Mar e o Instituto de Estudos Europeos Salvador de Madariaga, no que se abordan os puntos fundamentais das propostas. A titular do Medio Rural e do Mar amosou a súa confianza na capacidade de Galicia para elaborar un documento consensuado, “do mesmo xeito que se fixo para o Libro Verde”, no que “todos os subsectores da pesca cederon un pouco do seu para gañar en conxunto”.
Búsqueda de argumentos clave
A conselleira do Medio Rural e do Mar insistiu en que o obxectivo dos grupos de traballo é buscar argumentos que lle dean máis peso ao sector pesqueiro, porque a PPC vai afectar a toda Galicia e a todos os sectores relacionados coa pesca. Destacou que cos grupos parlamentarios se tratarán aspectos como o sistema de TACs e cotas, que é prexudicial para a maioría da frota pesqueira de altura.
Ademais analizarase con detalle a aposta da Comisión Europea de eliminar os descartes de pesca, a implantación do sistema de esforzo pesqueiro e farase fincapé en intentar contar coa mellor información científica posible sobre as distintas especies para defender os intereses da frota ante a UE.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
