Nota de prensa
A Deputación inicia a execución do Plan Estratéxico de Subvencións na Mariña coas primeiras axudas de 39.000 euros
– José Ramón Val explicou que o obxectivo é “impulsar sectores estratéxicos e produtos autóctonos para contribuír á reactivación da economía local e fixar poboación”
– A Festa do Berberecho de Foz, que se celebra esta fin de semana, é o primeiro evento en beneficiarse de subvención, dando continuidade ó apoio económico que o organismo provincial lle presta a esta cita dende hai catro anos
A Deputación de Lugo iniciou a execución do Plan Estratéxico de Subvencións achegando á comarca da Mariña un primeiro paquete de axudas por un montante de 39.000 euros. O Deputado Provincial José Ramón Val explicou que o obxectivo “é impulsar sectores estratéxicos e produtos autóctonos para contribuír á reactivación da economía local e fixar poboación”. O primeiro evento en beneficiarse de subvención é concretamente a Festa do Berberecho de Foz, cuxa novena edición se celebra esta fin de semana na vila mariñana. Val destacou neste senso que o organismo “apoia dende hai catro anos esta cita gastronómica, convertida nun referente no calendario festivo da comarca e do resto da provincia, porque consideramos que é unha maneira de xerar riqueza mediante a promoción dos nosos produtos”. O Deputado focense enmarcou tamén este respaldo á Festa do Berberecho no “compromiso do Presidente, José Ramón Gómez Besteiro, co desenvolvemento da Mariña, unha comarca que ata que chegou este Goberno provincial estaba totalmente desaparecida da acción da Deputación”.
Ademais do municipio focense, eses primeiros 39.000 euros do Plan Extratéxico de Subvencións, xestionado polo INLUDES, tamén benefician a outras localidades mariñanas, pois, por unha banda, están dirixidos a apoiar eventos emblemáticos na comarca e na maioría dos casos con sona non só na provincia, senón en toda Galicia, como son o Mercado Renacentista de Viveiro, a feira de produtos artesanais e ecolóxicos Produart de Burela, e a de artesanía, mobles e antigüidades da Pontenova, así como o Carnaval de Verán de Cervo. “Todas estas citas incrementan considerablemente a afluencia de visitantes nos Concellos nos que se celebran, o que repercute de xeito positivo na economía local”, recalcou José Ramón Val.
Por outro lado, ese primeiro paquete de subvencións tamén impulsa un sector estratéxico na comarca, que sustenta a miles de familias, como é o pesqueiro, incluíndo fondos para tódalas Confrarías de Pescadores mariñanas –Ribadeo, Burela, O Vicedo, Cervo e Viveiro- e a agrupación de mariscadoras de Barreiros.
Un plan dotado con 800.000 euros
No seu conxunto, o cuarto Plan Estratéxico de Subvencións, aprobado polo Consello Reitor do INLUDES a finais do pasado ano, está dotado con 800.000 euros co obxectivo de contribuír a fixar poboación no rural a través de catro liñas de actuación: apoio á agricultura, gandeiría e pesca (que conta con 600.000 euros); benestar social (76.200 euros); fomento da investigación e da innovación (66.000 euros); e promoción da artesanía (71.000 euros). Da mesma forma, tamén se investirán outros 6.000 euros en actividades tanto públicas como privadas nos diferentes sectores económicos da provincia, orientadas á participación cidadá para fomentar, dinamizar e divulgar a cultura, así como en accións de promoción de difusión do desenvolvemento sostible dentro da aposta pola protección e mellora do medio ambiente.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.