Nota de prensa
O BNG ESIXE A FOMENTO QUE INICIE AS OBRAS PARALIZADAS NA A-54
Os nacionalistas advirten que “a paralización das obras da A-54 e a ralentización das da A-8 significa a perda de centos de postos de traballo e a ruína de negocios e autónomos lucenses”
O pleno da Deputación aprobará esta moción o vindeiro martes co apoio dos partidos de goberno
Lugo, 26 de xaneiro de 2012. O BNG presentou unha moción para o seu debate no pleno que a Deputación Provincial celebrará a vindeira semana na que insta ao Ministerio de Fomento a que manteña os compromisos de investimentos nas comarcas de Lugo, nomeadamente no que ten a ver coa Autovía Lugo-Santiago e os tramos lucenses da A-8. Segundo indicou Mario Outeiro, portavoz nacionalista na Deputación, “máis unha vez a crise serve como coartada para aumentar as desigualdades entre os territorios. As terras de Lugo, que xa partían cun diferencial de atraso na rede viaria en relación a outros territorios do Estado, convértese en pagá do plan de axuste aprobado polo executivo de Rajoy”.
O portavoz nacionalista lembrou que “tanto a Autovía Santiago-Lugo como a A-8 son dúas actuacións fundamentais para a vertebración territorial da provincia, para a súa conexión coas redes de comunicación estatais e comunitarias e, xa que logo, a súa execución xogaría un papel central no aumento da competitividade do noso tecido produtivo na súa relación comercial co exterior. Non hai motivos de orde técnico, aínda menos de orde político, que poidan xustificar unha decisión deste tipo, xa que tanto a A-8 como a A-54 son actuacións que tiñan que estar xa rematadas a día de hoxe no caso de térense cumprido os compromisos adquiridos no seu momento polos diferentes gobernos do Estado”.
Mario Outeiro quixo referirse “ao grave problema de desemprego que está a significar a paralización das obras da A-54 e a ralentización dos traballos da A-8. Aquí non se salva ninguén posto que non estamos falando unicamente dos postos de traballo directos: estamos a falar dos autónomos que teñen alugada maquinaria ás contratas que estaban a executar as obras, estamos a falar dos negocios de hostalería, estamos a falar dos negocios de subministro… En definitiva, un golpe económico de primeira magnitude no momento no que é máis inoportuno. Esta decisión non só representa un desprezo absoluto polos cidadáns e cidadás, que son penalizados pola decisión gobernamental, senón que indica que a política económica do goberno do PP vai na dirección contraria a calquera política económica que teña como prioridade a creación de emprego. A paralización do investimento público só pode significar máis desemprego”.
O portavoz do BNG, que non dubidou que a proposta de instar ao Ministerio de Fomento a reanudar de xeito inmediato as obras da A-54 e a axilizar os traballos na A-8 vai ser aprobada por contar co compromiso dos seus socios de goberno, reclamoulle “aos populares estar á altura das circunstancias, non só apoiando no pleno da corporación esta proposta, posto que en caso de non facelo estaríanse situando en fronte dos seus veciños e veciñas, senón esixíndolles a presión en tanto partido que apoia ao goberno para sacar adiante esta iniciativa”. Na mesma liña, Mario Outeiro indicou que os nacionalistas levarán a proposta tanto ao Parlamento Galego como ao Congreso dos Deputados, así como polo conxunto dos concellos afectados por esta decisión gobernamental.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
